កំពត៖ កំលាំងនគរបាលការិយាល័យប្រឆាំងបទល្មើសជួញដូរគ្រឿងញៀនស្នងការខេត្តបានសហការជាមួយកំលាំងនគរបាលក្រុង ដឹកនាំដោយលោកឧត្តមសេនីយត្រីអ៊ិន ជីវ៉ា ស្នងររងនិងជានាយការិយាល័យកណ្តាលនគរបាលប្រឆាំងបទល្មើសគ្រឿងញៀនស្នងការខេត្តរួមសហការជាមួយលោក ខាន់ សុផលព្រះរាជអាជ្ញារងអមសាលាដំបូងខេត្ត បានចុះប្រតិបត្តិការបង្ក្រាបទីតាំងហ្គ្រេមបាញ់ត្រីបង្កប់ការសេពគ្រឿងញៀនមួយកន្លែងស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពតកាលពីយប់ថ្ងៃទី២១ ខែមិនាឆ្នាំ ២០១៦ ដោយឃាត់ខ្លួនជនសង្សយ័ចំនួន២២នាក់ ស្រីម្នាក់ មូតូចំនួន៧គ្រឿង និងថ្នាំញៀនប្រភេទម៉ាទឹកកកចំនួន១០កញ្ចប់តូចនិងទូហ្គ្រេមមួយ បញ្ជូនមកកាន់ស្នងការខេត្តដើម្បីកសាងសំណុំរឿងបញ្ជូនទៅតុលាការ។
លោកឧត្តមសេនីយត្រីអ៊ិន ជីវ៉ា ស្នងការរងនិងជានាយការិយាលយ័កណ្តាលនគរបាលប្រឆាំងបទល្មើសគ្រឿងញៀនស្នងការខេត្តបាប្រាប់អ្នកយកពត៌មានថាៈ ជុំករណីបង្ក្រាបគ្រឿងញៀននិងកន្លែងហ្គ្រេមបាញ់ត្រីខាងលើកន្លងមក សមត្ថកិច្ចយើងបានចុះទៅណែនាំឲ្យបញ្ឈប់ហើយឲ្យធ្វើកិច្ចសន្យាពីរដងរួចមកហើយ ហើយទីតាំងខាងលើក៍បានផ្អាកអស់មួយរយះហើយដែរ។
លោកបន្តទៀតថាៈទើបតែប៉ុន្មានថ្ងៃនេះមានពត៌មានមកថា មានករណីលួចលេងហ្គេម បាញ់ត្រីនៅពេលយប់ ប្រហែលជាក្រុមអ្នកលេងទាំងនោះស្មានថាពេលយប់សមត្ថកិច្ចមិនដឹង ទើបក្រោយពីស្តាប់ពត៌មានបានយើងបានសុំបញ្ជាទៅលោកស្នងការនិងសុំការសហការជាមួយព្រះរាជអាជ្ញាដើម្បីចុះបង្ក្រាបជាក់ស្តែងតែម្តង។បច្ចុបន្នជនសង្សយ័ទាំង២២នាក់ត្រូវបានសមត្ថកិច្ចជំនាញនាំយកទៅធ្វើតេស្ត៍ទឹកនោមដើម្បីពិនិត្យសារធាតុថ្នាំញៀន បើអ្នកមានជាតិសារធាតុញៀនយើងប្រគល់ជូនទៅការិយាលយ័គ្រឿងញៀនចំពោះអ្នកដែលគ្មានសារធាតុញៀន យើងបញ្ជូនឲ្យការិយាល័យព្រហ្មទណ្ឌ័កំរិតស្រាលដើម្បីសាកសួរ ។
លោកបានបញ្ជាក់ផងដែរថាៈ ក្នុងចំណោមជនសង្ស័យទាំងអស់ខាងលើគឺភាគច្រើនជាជនរងគ្រោះប្រើប្រាស់និងអ្នកទៅអង្គុយលេងផងអង្គុយមើលផង។ ដូច្នេះសមត្ថកិច្ចជំនាញកំពុងស្រាវជ្រាវរកមេចែកចាយនិងម្ចាស់ទូហ្គេមដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់។ក្នុងនោះដែរក្នុងចំណោមមនុស្សទាំង២២នាក់ មានពីរនាក់ប្តីប្រពន្ឋជាអ្នកស៊ីឈ្នួលយាមទូហ្គ្រេមឲ្យគេ ប្តីមានឈ្មោះតុង លីកក្កដាអាយុ៣៣ឆ្នាំមានទីលំនៅភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ប្រពន្ឋឈ្មោះ ឈា កញ្ញារ៉ា អាយុ២៥ឆ្នាំមានទីលំនៅភូមិសង្កាត់ជាមួយគ្នាខាងលើ។ បច្ចុប្បន្នជនសង្ស័យខាងលើសមត្ថកិច្ចជំនាញកំពុងសាកសួរនិងកសាងសុំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
