ខេត្តព្រះវិហារលំនៅដ្ឋាន១ខ្នងធ្វើពីឈើប្រក់ស័ង្កសីសង់លើដីទ្បូតិ៍មួយកន្លែងស្ថិតនៅភូមិធម្មជាតិសម្តេចតេជោឃុំស្រអែមស្រុកជាំក្សាន្តត្រូវបានអគ្គិភ័យឆាបឆេះខ្ទេចរួមទាំងទ្រពសម្បត្តិក្នុងលំនៅដ្ឋានគ្មានសល់កាលពីព្រឹកថ្ងៃទី២២មិនា២០១៦។
សេចក្តីរាយការណ៍បានអោយដឹងថាហេតុការណ៍ភ្លើងឆេះផ្ទះសន្ធោសន្ធៅនោះវាឆាបឆេះទៅតាមដំណើរព្រោះតែពលរដ្ឋនិងអាជ្ញាធរមិនមានលទ្ធភាពអន្តរាគមន៍ចុះជួយពន្លត់ភ្លើងបានទាន់ពេលវេលាម្យ៉ាងទៀតមានមនុស្សរស់នៅតិចតួចផងដែរ។
អាជ្ញាធរមូលដ្ឋានបានអោយដឹងនៅព្រឹកថ្ងៃទី២៤មិនានេះថាហេតុការណ៍ភ្លើងឆេះផ្ទះនេះមិនមានគ្រោះថ្នាក់ដល់មនុស្សទេហើយឆេះបំផ្លាញសម្ភារះតិចតួចប៉ុណ្ណោះ។ផ្ទះដែលឆេះនោះមានទំហំ៥ម៉ែត្រគុណនឹង៦ម៉ែត្រធ្វើពីឈើប្រក់ស័ង្កសីជាកម្មសិទ្ធរបស់លោកស៊ឹមធីមន្ដ្រីនគរបាលវរះការពារព្រំដែនគោក៧៩៥ទិសជួរមុខតំបន់ព្រំដែនប្រាសាទព្រះវិហារ។
ប្រភពព័ត៌មានពីប្រជាពលរដ្ឋនៅមូលដ្ឋានបានអោយដឹងថាក្នុងថ្ងៃកើតហេតុស្ដ្រីម្ចាស់ផ្ទះបានទៅផ្សារហើយទុកកូនស្រីអាយុ១៣ឆ្នាំម្នាក់អោយនៅចាំផ្ទះដើម្បីជួយដាំបាយហើយក៍ត្រូវភ្លើងចង្ក្រានឆាបឆេះផ្ទះតែម្តង។រីឯលោកស៊ឹមធីនៅក្នុងថ្ងៃនោះជាប់រវល់បំពេញភារកិច្ចនៅឯអង្គភាពរបស់ខ្លួន។
មកដល់ថ្ងៃនេះអាជ្ញាធរមូលដ្ឋាននិងមេអង្គភាពវរះការពារព្រំដែនគោក៧៩៥រួមនឹងអាជ្ញាធរមូលដ្ឋានបានរៃអង្គាសគ្នាជាលក្ខណះសប្បុរសធម៌ជួយសង់ផ្ទះថ្មីមួយខ្នងវិញអោយលោកស៊ឹមធីបានរស់នៅជួបជុំប្រពន្ធកូនផងដែរ៕
