សៀមរាប= ឯកឧត្តមនាយឧត្តមសេនីយ៍ ទៀ បាញ់ ឧបនាយករដ្ឋមន្ដ្រី រដ្នមន្ដ្រីក្រសួងការពារជាតិ និងជាតំណាងរាស្ដ្រខេត្តសៀមរាបនិង លោកជំទាវ តឿន បានអញ្ជើញជាអធិតីភាពក្នុងពិធីពុទ្ធាភិសេកនិងដង្អែរមហាជួងជ័យនៅវត្តទេពពោធិវង្សហៅវត្តថ្មីកាលពីព្រឹក
ថ្ងៃទី២៦ ខែមិនា ឆ្នាំ២០១៦ ដែលមានលោក ឃឹម ប៉ុនសុង អភិបាលខេត្តសៀមរាបនិងលោកជំទាវព្រមទាំង លោក លោក ស៊ូប្លាតុង និងមន្ដ្រីរាជការសិស្សានុសិស្ស លោកគ្រូអ្នកគ្រូ ប្រជាពលរដ្ន សរុបជាង៦៥០នាក់ ។
ក្នុងពិធីនេះឯកឧត្តម ឃឹម ប៊ុនសុង អភិបាលខេត្តសៀមរាបបានអានសន្តរកថាស្វាគមន៍បើកកម្មវិធីនិងមានប្រសាសន៍សំណេះសំណាលដោយមានអត្ថន័យនិងខ្លឹមសារថា ជួងតំណាងអោយ វត្ថុ សាកសិទ្ធិដែលអាចបន្លឺសំលេង ដាស់តឿន អោយមនុស្សម្នាមកជួបជុំគ្នាក្នុងពិធីផ្សេងៗ ជួងអាចផ្ដល់ជាសញ្ញាអោយមនុស្សមកប្រមូលផ្ដុំក្នុងភូមិ ក្នុងស្រុក ក្នុងវត្ត ជាពិសេសផ្ដល់សញ្ញាដល់កងទ័ពមុនពេលចេញច្បាំងអោយមានការប្រុងប្រយ័ត្នក្នុងការធ្វើសឹកសង្គ្រាម ឬប្រកាសអាសន្នណាមួយនិងម្យ៉ាងទៀតគេប្រើសំរាប់បញ្ចាក់ពីភាពជោគជ័យ ដូចដែលយើងកំពុងតែប្រារពពិធីនាពេលឪកាសនេះ រឹតតែបញ្ចាក់ពីភាពជោគជ័យនិងការយកចិត្តទុកដាក់របស់ពីថ្នាកើដឹកនាំមកលើព្រះពុទ្ធសាសនាដែលជាសេចក្ដីត្រូវការរបស់ប្រជាពលរដ្នយើងសមជាកុលបុត្រកុលធីតាខ្មែរអង្គដែលជាពូជពង្សដ៏ខ្លាំងខ្លារបស់យើង។
ឯកឧត្តមនាយឧត្តមសេនីយ៍ ទៀ បាញ់បានមានប្រសាសសំណេះសំណាល់និងរំលឹកប្រវត្តិពីវត្តវត្តទេពពោធិវង្សហៅវត្តថ្មីនេះដែលបានចាប់ផ្ដើមកសាងតាំងពីដំបូង រហូតមកដល់ពេលនេះព្រោះវត្តនេះបានតំកល់ធាតុ(ឆ្អឹង)អ្នកដែលបានស្លាប់នៅក្នុងរបរប៉ុលពតរាប់ពាន់នាក់ និងចង់បញ្ចាក់ពីការយកចិត្តទុកដាក់យ៉ាងខ្ចាប់ខ្ចួនមកលើវិស័យព្រះពុទ្ធសាសនា ដើម្បីអោយប្រជាពលរដ្នបានធ្វើបុណ្យទាន ក្នុងឯកឧត្តមក៏បានបញ្ចាក់ពីអត្ថន័យនៃជួងដែលបានសម្ភោធដាក់អោយប្រើប្រាស់ក្នុងវត្តនេះថាវត្តនីមួយៗត្រូវតែមានជួង សំរាប់បន្លឺសំលេងដាសតឿនព្រះសង្ឃដែលនៅក្នុងវត្តអោយមកកាន់ទីអាសន្នះក្នុងពិធីផ្សេងៗ សំរាប់អោយពុទ្ធបរិស័ទជិតឆ្ងាយបានដឹង បានជ្រាប់ជាដំណឹងក៏ដោយសារជួងជ័យនេះឯង ដូច្នេះជួងមានប្រយោជយ៉ាងខ្លាំងសំរាប់ ដាស់តឿនមនុស្សមានការប្រុងប្រយ័ត្ន ការត្រៀមខ្លួន ការបញ្ញាក់ស្មារតី និងការបន្លឺសញ្ញាប្រាប់ពីភាពជោគជ័យជាដើម។ល។ ក្នុងឪកាសនោះដែរឯកឧត្តមក៏បានប្រកេន អង្ក មី ទឹកក្រូច ទឹកសុទ្ធ ត្រីខ បច្ច័យ ដល់ព្រះសង្ឃនិងបានរាប់បាតដែលមានព្រះសង្ឃចំនួន៧១អង្គផងដែរ៕ ប៊ុន រិទ្ធី
