( រូបភាពវីដេអូ ) គ្រូបង្វឹកក្រុមតោកំណាចអង់គ្លេសលោក Roy Hodgson បានលើកឡើងថា លោកមានជំនឿជឿជាក់ថា អង់គ្លេសនឹងមានលទ្ធភាពអាចឈ្នះជើងឯកពានរង្វាន់ World Cup នៅរដូវក្តៅនេះបាន ។ អង់គ្លេសគឺស្ថិតក្នុងពូល D ជាមួយនឹងប្រទេសអ៊ីតាលី, អ៊ុយរ៉ាហ្គាយ និងកូស្តារីកា ហើយពួកគេនឹងត្រូវជួបជាមួយអាស៊ីរី អ៊ីតាលីក្នុងជំនួបដំបូងនៅថ្ងៃទី១៤ខែមិថុនា ។
ទោះបីជាយ៉ាងណាក៏ដោយ លោក Hodgson បានអះអាងថា កូនក្រុមរបស់លោកមានកីឡាករល្អៗជាច្រើនដែលមានសមត្ថភាពអាចធ្វើការប្រកួតប្រជែងហើយគាត់មានទំនុកចិត្តថា ពួកគេនឹងអាចនាំយកពានមកទឹកដីរបស់ខ្លួនវិញបាន ។ លោក Hodgson និយាយប្រាប់គេហទំព័រ The Mirror ថា “ខ្ញុំមិនបោះបង់ចោលឱកាសដ៏ល្អនេះទេទោះបីជាកីឡាកររបស់យើងមានក្មេងៗច្រើនក៏ដោយប៉ុន្តែពួកគេសុទ្ធតែមានសមត្ថភាពហើយខ្ញុំជឿថាពួកយើងអាចគ្រងជើងឯកបាន” ។
គួររម្លឹកឡើងវិញថា លោក Hodgson ធ្លាប់បានដឹកនាំអង់គ្លេសឲ្យឡើងដល់វគ្គ៨ក្រុមចុងក្រោយនៃពានរង្វាន់ទ្វីបអឺរ៉ុបឆ្នាំ ២០១២ ៕
