( រូបភាពវីដេអូ ) កីឡាករ Didier Drogba (ឌីឌីយ៉េ ដ្រក់បា) បានប្រកាសថា នឹងចាកចេញពីក្លិប Galatasaray នៅរដូវក្តៅនេះបន្ទាប់ពីលេងឲ្យក្លិបរបស់ទួរគីមួយនេះបានរយៈពេល១ឆ្នាំកន្លះ ។ Drogba បានចាកចេញពីក្រុម Shanghai Shenhua របស់ចិនកាលពីខែមករាមុនក្រោយមកក៏ផ្លាស់ទៅកាន់ Galatasaray ហើយបានជួយឲ្យក្លិបនេះឈ្នះជើងឯកពានរង្វាន់ Super Lig និង ទួរគី Super Cup ផងដែរ ។
កីឡាករវ័យ៣៦ឆ្នាំរូបនេះកំពុងមានទំនាក់ទំនងលើការវិលត្រឡប់មកកាន់ក្លិប Chelsea វិញប៉ុន្តែទោះបីជាយ៉ាងណាក៏ដោយព័ត៌មាននេះមិនទាន់ច្បាស់ការនៅឡើយទេ ។ Drogba ប្រាប់គេហទំព័ររបស់ក្លិបថា “Galatasaray ស្ថិតក្នុងបេះដូងខ្ញុំជានិច្ច លុយមិនមែនជាបញ្ហាសម្រាប់ខ្ញុំទេ ហើយអ្វីដែលសំខាន់គឺខ្ញុំចង់លេងបាល់ ប៉ុន្តែខ្ញុំអាចនឹងវិលទៅកាន់អង់គ្លេសវិញ” ។ គួរបញ្ជាក់ថា Drogba ក៏នឹងបង្ហាញវត្តមានសម្រាប់ក្រុមដំរីចុះប្រេងកូឌីវ័រក្នុងការប្រកួតពានរង្វាន់ពិភពលោកក្នុងប្រទេសប្រេស៊ីលនៅរដូវក្តៅនេះផងដែរ ៕
