កំពង់ធំ=នគរបាលម្នាក់បានស្លាប់ភ្លាមៗនៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងដោយបើកបររថយន្ដក្នុងល្បឿនលឿនពេកបណ្ដាលអោយធ្លាក់ថ្នល់ក្រឡាប់ជាច្រើនត្រឡប់និងស្លាប់ខ្លួនឯងនៅនិងកន្លែងកើតហេតុ។ ហេតុការណ៍ដ៏រន្ធត់នេះបានកើតឡើងកាលពីវេលា
ម៉ោង០១និង១០នាទីថ្ងៃទី៣១ខែមិនា ឆ្នាំ២០១៦ត្រង់ចំណុចភូមិព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តម៉ាកកាមម៉ារីឆ្លាម ពណ៍ឆ្លូញ ពាក់ផ្លាកលេខ ភ្នំពេញ 2H 2056 បើកធ្លាក់ថ្នល់ លឺសំលេងប្រាវ ធ្វើអោយផ្ញាក់ផ្អើរដល់ប្រជាពលរដ្នក៏នាំគ្នាមកមើលឃើញរថយន្ដនិងអ្នកបើកបររថយន្ដម្នាក់ទទួលរងគ្រោះដោយខ្លួនឯង មានឈាមហូរត្រង់ក្បាលនិងត្រចៀក ដោយសាររថយន្ដបោកខ្ទប់ជាច្រើនត្រឡប់ហើយបានបាត់បង់ជីវិតតែម្ដង ។
តាមប្រភពបន្ថែមថាជនរងគ្រោះដែលស្លាប់បាត់បង់ជីវិតមានឈ្មោះ ម៉ៅ ឆេង ភេទប្រុសអាយុ៤៧ឆ្នាំរស់នៅភូមិសានគរ ឃុំសានគរ ស្រុកកំពង់ស្វាយខេត្តកំពង់ធំ មានមុខរបរជា ប៉ូលិសប៉ុស្ដិ ឃុំសានគរ បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចបញ្ចូនសាកសពជនរងគ្រោះអោយក្រុមគ្រួសារ យកទៅធ្វើបុណ្យតាមប្រពៃណី៕ ប៊ុន រិទ្ធី
