ខេត្តព្រះវិហារលំនៅដ្ឋានមួយកន្លែងមានហ៊ុំរបងស័ង្កសីពណ៌ខៀវខាងមុខស្ថិតនៅភូមិថ្មីសង្កាត់កំពង់ប្រណាកក្រុងព្រះវិហារត្រូវបានប្រជាពលរដ្ឋក្នុងមូលដ្ឋានរាយការណ៍អោយដឹងថាជាមេស៊ីសងល្បែងឆ្នោតកន្ទុយលេខដុះស្លែធំជាងគេប្រចាំខេត្តព្រះវិហារហើយសង្ស័យអាងខ្នងបងប្អូនជានាយនគរបាលនៅក្រសួងមហាផ្ទៃជួយកាងផងដែរ។ល្បែងឆ្នោតកន្ទុយលេខខុសច្បាប់វាបានរីករាលដាលខ្លាំងដល់ស្រុកជាំក្សាន្តថែមទៀត។
ពលរដ្ឋបានអោយដឹងថាស្ដ្រីឈ្មោះផារីនិងប្តីឈ្មោះលីដែលជាម្ចាស់លំនៅដ្ឋានមួយកន្លែងនេះមានចរិតក្រអឺតក្រទមខ្លាំងដោយសារអាជ្ញាធរមានសមត្កកិច្ចក្រុងខេត្តត្រូវបានគាត់រត់ការបង់ថ្លៃការពាររួចអស់ហើយដើម្បីជាថ្នូរអោយពួកគាត់ធ្វើជាមេល្បែងស៊ីសងខុសច្បាប់ម៉ាសេរី។គាត់ធ្វើជាមេឆ្នោតកន្ទុយលេខយ៉ាងសុខស្រួសអស់រយះពេល៣ឆ្នាំជាប់គ្នាមកហើយដោយស៊ើបដឹងថាជាឆ្នាំងបាយខ្នាតធំរបស់សមត្ថកិច្ចមុខលុយ។ពលរដ្ឋក្នុងមូលដ្ឋានថ្លែងដូច្នេះថាចង់អោយកម្លាំងសមត្ថកិច្ចចុះបិទទីតាំងមេឆ្នោតដែលមានស្ត្រីឈ្មោះផារីនិងប្តីឈ្មោះលី
ខាងលើនេះដើម្បីចៀសវាងនិងទប់ស្កាត់មិនអោយមានអំពើហិង្សាក្នុងគ្រួសារនិងកើតមានចោរកម្មឆក់ប្លន់នៅក្នុងក្រុងព្រះវិហារ។តាមដឹងក្នុង១ថ្ងៃៗមានអ្នកចាក់ឆ្នោតកន្ទុយលេខតូចធំគ្រប់ទិសទីប្រមាណ៥០លានទៅ១០០លានរៀលឯណោះមានអ្នកខ្លះធ្លាក់ខ្លួនក្រនិងរត់ចោលស្រុកក៍មានដែរ។សេចក្តីរាយការណ៍ផ្សេងទៀតបានអោយដឹងថាមានមេឆ្នោតកន្ទុយលេខម្នាក់ទៀតឈ្មោះជីភីរិទ្ធភេទប្រុសមានអាសយដ្ឋាននៅភូមិអណ្តូងពោធិ៍សង្កាត់កំពង់ប្រណាក្រុងព្រះវិហារក៍ល្បីឈ្មោះខ្លាំងដែរហើយជាឆ្នាំងបាយរបស់អាជ្ញាធរមានសមត្ថកិច្ចដូចគ្នា។
សមត្ថកិច្ចនគរបាលក្រុងព្រះវិហារធ្លាប់បានកោះហៅក្រុមមេឆ្នោតកន្ទុយលេខនិងកូនកញ្ច្រែងកត់ឆ្នោតកន្ទុយលេខសរុបរាប់សិបនាក់មកអប់រំនិងធ្វើកិច្ចសន្យាអោយបញ្ឍប់មុខរបរខុសច្បាប់នេះប៉ុន្តែមកដល់សព្វថ្ងៃសកម្មភាពកត់ឆ្នោតកន្ទុយលេខនៅតែគគ្រឹកគគ្រេងដដែលគឺមិនចុះថមថយនោះទេ៕
