( រូបភាពវីដេអូ) ក្រុមសង្កេតការណ៍បានថ្លែងថា មនុស្សយ៉ាងតិចបំផុត១៦២.០០០នាក់ បាត់បង់ជីវិតនៅក្នុងជម្លោះរយៈពេល ជាង៣ឆ្នាំនៅស៊ីរី។ ជាមួយគ្នានេះមនុស្ស រាប់ពាន់នាក់ទៀតនៅបាត់ដំណឹងសូន្យ ឈឹង ក្រោយការចាប់ខ្លួនពីកម្លាំងរដ្ឋាភិ បាល និងក្រុមបះបោរ ។ ក្រុមសង្កេតការណ៍សិទ្ធិមនុស្សស៊ីរី ប្រចាំនៅចក្រភពអង់គ្លេសបាននិយាយ ថា អ្នកបាត់បង់ជីវិតស្ថិតនៅក្នុងជួរកង កម្លាំងប្រដាប់អាវុធរដ្ឋាភិបាលមានច្រើន ជាងក្នុងជួរក្រុមបះបោរដោយមានការ ប៉ាន់ប្រមាណថា មានជនស៊ីវិលយ៉ាង តិចបំផុត៥៤.០០០នាក់បាត់បង់ជីវិត ចាប់តាំងពីជម្លោះកើតឡើងរហូតមក ដល់ពេលបច្ចុប្បន្ននេះ។
ប្រភពនេះប៉ាន់ប្រមាណទៀតថា អ្នកស្លាប់យ៉ាងតិច៦២.៨០០នាក់ស្ថិត នៅក្នុងជួរកងកម្លាំងរដ្ឋាភិបាល, ក្នុងជួរ ក្រុមឧទ្ទាមស៊ីរីគាំទ្រលោកអាល់អាសាដ, ក្នុងជួរក្រុមសកម្មប្រយុទ្ធហេបូឡាស៍ និងស្ថិតនៅក្នុងក្រុមខ្មាន់កាំភ្លើងបរទេសនិកាយស៊ីអ៊ីដ ។ ដោយឡែកអ្នកដែលបាត់បង់ជីវិត នៅខាងក្រុមបះបោរមានប្រមាណ ៤២.៧០០នាក់ ដែលរួមទាំងក្រុមរណ សិរ្សនូស្រារបស់អាល់កៃដា, ក្រុមអ៊ិស្លាម និងទាហានផ្ដាច់ខ្លួនចេញពីកម្លាំងលោក អាល់អាសាដ ។
ប្រភពនេះបន្ដទៀតថា មនុស្សជិត៣ពាន់នាក់បានបាត់ដំណឹង សូន្យឈឹងដោយមិនដឹងថា តើត្រូវចាប់ ខ្លួន ឬត្រូវស្លាប់នោះឡើយ ។ ក្រុមសង្កេតការណ៍បានលើកឡើង ថាភាគីពាក់ព័ន្ធក្នុងជម្លោះនៅស៊ីរីសុទ្ធ តែធ្វើតួលេខខុសដែលតាមពិត អ្នកដែល បាត់បង់ជីវិតមានពីខ្ទង់៧០.០០០នាក់ ដល់២៣០.០០០នាក់់។ ការខិតខំប្រឹងប្រែងដើម្បីរកដំណោះ ស្រាយឈានដល់បញ្ចប់ជម្លោះស៊ីវិល នៅស៊ីរីត្រូវជាប់គាំងរយៈពេល៣ខែមក ហើយ ហើយអ្នកសម្របសម្រួលរបស់ អង្គការសហប្រជាតិជាតិស្ដីអំពីបញ្ហា ស៊ីរី លោកLakhdar Brahimi ក៏បាន លាឈប់ពីតួនាទីផងដែរកាលពីចុងខែ មេសា ឆ្នាំ២០១៤ ។
លោកអាល់អាសាដ ដែលដណ្ដើម បានគ្រប់គ្រងឡើងវិញតំបន់ភាគកណ្ដាលប្រទេសសង្ឃឹមថានឹងឈ្នះការបោះឆ្នោត ក្នុងអាណត្ដិរយៈពេល៧ឆ្នាំជាលើកទី៣ ដែលការបោះឆ្នោតនេះក្រុមប្រឆាំង ចាត់ទុកថាជារឿងត្លុកកំម្លែង។ ក្រុមសង្កេតការណ៍បញ្ជាក់ថា របាយ ការណ៍របស់ខ្លួនមិនបូកបញ្ចូលអ្នកដែល កំពុងជាប់ឃុំឃាំងដោយអាជ្ញាធររដ្ឋា ភិបាល១៨.០០០នាក់ និងអ្នកដែលបាត់ ដំណឹងសូន្យឈឹងព្រមទាំងមិនរួមបញ្ចូល អ្នកបាត់ខ្លួនក្រោយការវាយឆ្មក់ពីកម្លាំង សន្ដិសុខនោះឡើយ
