ខេត្តកោះកុង: នៅព្រឹកថ្ងៃទី២៧ ខែមេសា ឆ្នាំ២០១៦ សាលាដំបូង ខេត្តកោះកុង បានសម្រេចលើក ពេលសវនាការ ជម្រះក្តី លើជនសង្ស័យឈ្មោះ ជា មុំ ជាជនដៃដល់ សម្លាប់ស្ត្រីឈ្មោះ មេង សៃ ភេទស្រីអាយុ៥៣ឆ្នាំ យកមាសអស់១០តម្លឹង ហើយដាក់បន្ទុក ទៅលើកូនស្រី បង្កើតឈ្មោះ ប៉ាន់ ណៃស៊ឹម។ករណីឃាតកម្មសម្លាប់ យកមាស១០តម្លឹងនេះ បានកើតឡើងកាល ពីថ្ងៃទី២៨ ខែឧសភាឆ្នាំ២០១៥ ស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។
ក្នុងការសវនាការ លោក អាំង ចិន្តា ប្រធានក្រុមប្រឹក្សាជំនំជំរះក្តី បានសម្រេចលើកពេលសាវនាការ ជម្រះក្តីជនជាប់ចោទ ជា មុំដោយមូលហេតុ មេធាវីការពារក្តី ជនសង្ស័យអវត្តមានក្នុងការជំនុំជំរះក្តី ។អ៊ួង វឹង
