ភ្នំពេញ៖ យុវជនម្នាក់និងនារី២នាក់បានរងរបួសធ្ងន់ខណៈដែលពួកគេកំពុងជិះម៉ូតូហើយត្រូវបានរថយន្តលិចស៊ីសLX470បើកបរដោយបុរសជនជាតិចិន៣នាក់ស្រវឹងស្រាបើកបុកពីក្រោយពេញទំហឹងអូសជាង១០០ម៉ែត្របណ្ដាលឲ្យក្រឡាប់ផ្ងារជើងច្រងាង កាលពីវេលាម៉ោង១២និង៣០នាទីរំលងអាធ្រាតឈានចូលថ្ងៃទី២២ខែឧសភា ឆ្នាំ២០១៤ នៅចំណុចមុខឡាក់គី តាមបណ្ដាលឲ្យផ្លូវព្រះសីហនុ ស្ថិតក្នុងសង្កាត់បឹងកេងកងទី១ ខណ្ឌចំកាមន។
តាមសាក្សីដែលបានឃើញហេតុការណ៍បានឲ្យដឹងថា មុនពេលកើតហេតុគេបានឃើញរថយន្តម៉ាកលិចស៊ីស LX470 ពណ៌ខ្មៅពាក់ស្លាកលេខភ្នំពេញ2E-2529 បើកបរដោយបុរសជនជាតិចិន៣នាក់ដែលបានបើកបុករថយន្តម៉ាកកាមរីឆ្លាមខណៈចតស្ងាមស្ថិតក្នុងភូមិសាស្ត្រខណ្ឌដូនពេញឲ្យរងការខូចខាតហើយបានព្យាយាមបើករត់រហួតដល់ផ្លូវព្រះសីហនុមុខផ្សារ
ទំនើបឡាក់គីក៏ជ្រុលបុកម៉ូតូម៉ាកស្កុបពី ពណ៌ស លាផ្លាឈូក ពាក់ស្លាកលេខភ្នំពេញ1CC-8557 ជិះគ្នា៣នាក់ក្នុងនោះមាននារី២នាក់រួមដំណើរជាមួយ ធ្វើដំណើរស្របទិសគ្នាបុកពីក្រោយពេញទំហឹងហើយអូសជាង១០០ម៉ែត្របណ្តាលឲ្យអ្នកជិះម៉ូតូរងរបួសធ្ងន់ចំណែករថយន្តក្រឡាប់ផ្ងារជើងច្រងាង។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាមៗចំណែករថយន្តនិងម៉ូតូសមត្ថកិច្ចបានចុះមកដល់ចំណុចកើតហេតុនិងយកទៅរក្សាទុកនៅអធិការដ្ឋាននគរបាលខណ្ឌចំកាមនដើម្បីរងចាំដោះស្រាយពេលក្រោយ៕
