ខេត្តស្ទឹងត្រែង៖ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហក ម្មនិងសិប្ប កម្ម បា នជំ រុញ ឲ្យមានការចុះបញ្ជីរោងឧស្សាហកម្មនិងសិប្បកម្មខ្នាតតូចនិងមធ្យមនៅក្នុងខេត្តស្ទឹងត្រែងឲ្យបានគ្រប់គ្នា។
ឯកឧត្តមបានថ្លែងដូច្នេះនៅក្នុងពិធីតែងតាំងប្រធានមន្ទីរឧស្សាហកម្មនិងសិប្បកម្មកាលពីរសៀលថ្ងៃទី៣ ខែមិថុនា ឆ្នាំ២០១៤ នៅសាលប្រជុំសាលាខេត្តស្ទឹងត្រែង។
លោក និន សួស្តី ប្រធានមន្ទីរឧស្សាហកម្មនិងសិប្បកម្មដែលទើបតែងតាំងថ្មីបាននិយាយថា បច្ចុប្បន្នសិប្បកម្មនៅក្នុងខេត្តស្ទឹងត្រែងពុំទាន់បានចុះក្នុងបញ្ជីឲ្យបានគ្រាប់គ្រាន់ទេ រូបលោកនិងខិតខំប្រឹងប្រែងធ្វើការងារនេះឲ្យបានជោគជ័យក្នុងពេលខាងមុខនេះ។
ក្នុងឧិកាសនោះដែរឯឧត្តម ចម ប្រសិទ្ធ ក៏បានណែនាំប្រធានមន្ទីរទាំងពីរគឺប្រធានមន្ទីរឧស្សាហកម្មរ៉ែនិងថាមពល និងប្រធានមន្ទីរឧស្សាហកម្ម និងសិប្បកម្មត្រូវសហការគ្នាធ្វើការឲ្យបានល្អ ពីព្រោះថាយើងធ្វើការងារក្នុងមន្ទីរជាមួយគ្នាអស់ពេលជាយូរណាស់មកហើយ គ្រាន់តែពេលនេះរដ្ឋាភិបាលបានបំបែកក្រសួងជាពីរចេញពីគ្នាប៉ុណ្ណោះ។
ឯកឧត្តមបានសំណូមពរដល់ប្រធានមន្ទីរចាស់ត្រូវជួយចែកកន្លែងការងារដល់ប្រធានមន្ទីរថ្មីដើម្បីបំពេញការការឲ្យបានល្អផង កុំមានការប្រកាន់ឬចែកបក្សគ្នា ថ្វីត្បិតពេលនេះត្រូវបានចែករដ្ឋមន្ត្រីជាពីរក៏ដោយ ក៏ប៉ុន្តែផលប្រយោជន៏ធំនោះគឺជាតិទាំងមូល៕