Uong Veung ក្នុងក្រុងកំពត. ដោយអនុវត្តនូវតួនាទីនិងភារកិច្ចជាប្រចាំ របស់មន្ត្រីសមត្ថកិច្ចជំនាញ សំដៅរួមចំណែកការពារ និងលើកកម្ពស់ សុខមាលភាពប្រជាពលរដ្ឋ តាមរយៈ សុវត្ថិភាពចំណីអាហារ ពិសេស នៅក្នុងឱកាសចូលឆ្នាំចិន វៀតណាមជិតចូលមកដល់ខាងមុខនេះ ។
នៅថ្ងៃទី ១៧ ខែមករា ឆ្នាំ២០១៧ ក្រុមមន្ត្រី សាខាកាំកុងត្រូល ប្រចាំខេត្តកំពត ខេត្តកែប បានសហការជាមួយមន្ត្រី នៃមន្ទីរពាណិជ្ជកម្មខេត្តកំពត។ បានចុះប្រតិបត្តិការត្រួតពិនិត្យផលិតផលទំនិញ ដែលមានលក្ខណៈ ខូចគុណភាព និងហួសថ្ងៃ ខែ ឆ្នាំ កំណត់នៃការប្រើប្រាស់
នៅតាមផ្ទះ និងតាមផ្សារម៉ាតមួយចំនួនក្នុងក្រុងកំពតខេត្តកំពត ។ ជាលទ្ធផល សមត្ថកិច្ចកាំកុងត្រូលបាន ដកហូតនូវទំនិញមួយចំនួនរួមមានទឹកក្រូច នំចំណី អាហារច្រកវិចខ្ចប់ ដែលមានលក្ខណៈ ហួសថ្ងៃខែ ឆ្នាំកំណត់ការប្រើប្រាស់និងមានលក្ខណៈ កំពិត ច្រេះស៉ី ដាចធ្លុះធ្លាយជាដើម។
ជាមួយគ្នានោះសមត្ថកិច្ចកាំកុងត្រូល ក៏បានធ្វើការណែនាំអប់រំដល់អាជីវករ ឲ្យមានការយកចិត្តទុកដាក់ប្រុងប្រយ័ត្នខ្ពស់លើបញ្ហាការរៀបចំដាក់តាំងលក់នូវផលិតផលទំនិញទាំងឡាយ ឲ្យមានលក្ខណៈអនាម័យ សណ្ដាប់ធ្នាប់ ចៀសវាងមានសំបក កំប៉ុង ច្រកវិចខ្ចប់ មានការធ្លុះធ្លាយ កំពិត ច្រេះស៊ីព្រមទាំងហាម ដាក់តាំងលក់លាយឡំនិងទំនិញ ប្រើប្រាស់ជាមួយនឹងទំនិញហូបចុក និងមុនទទួលទំនិញ ពីអ្នកចែកចាយត្រូវ មើលផ្លាកសញ្ញា យីហោ ថ្ងែខែឆ្នាំផលិតឲ្យបាន ច្បាស់លាស់ ។ 
បើពុំដូច្នោះទេ កាលណាប្រជាពលរដ្ឋទិញយកទៅហូបចុក ហើយមានបញ្ហាគ្រោះថ្នាក់ដល់សុខភាពឬអាយុជិវិត នៅពេលសមត្ថកិច្ចរកឃើញ អ្នកលក់ត្រូវប្រឈមនឹងច្បាប់។
ប៉ុន្តែទោះបីយ៉ាងណា តាមការកត់សំកល់ ពីមន្ត្រីជំនាញ បានបង្ហាញបញ្ជាក់ឲ្យដឹងថា៖ អាជីវករមួយចំនួនធំ មានការយល់ដឹងល្អប្រសើរទាំងការរៀបចំដាក់តាំងលក់ និងគុណភាព សុវត្ថិភាពចំណីអាហារទំនិញផងដែរ។
