នៅថ្ងៃទី ០៤ ខែមិថុនា ឆ្នាំ២០១៤ក្នុងសាលប្រជុំសាលាខេត្តពោធិ៍សាត់ ឯកឧត្តម ស៊ុយ សែម ប្រធានក្រុមការងារថ្នាក់ជាតិអនុវត្តកម្មវិធីនយោបាយយុទ្ធសាស្ត្រចតុកោណ របស់រាជរដ្ឋាភិបាលអាណត្តិទី៣ និងជា រដ្ឋមន្ត្រីក្រសួងរ៉ែ និង ឋាមពល បានអញ្ជើញជាអធិបតីដ៏ខ្ពង់ខ្ពស់ក្នុង
ពិធីប្រកាសចូលកាន់មុខតំណែងរបស់ក្រុមប្រឹក្សាខេត្តពោធិ៍សាត់ អណត្តិទី២ ។
ក្នុងឱកាសនោះ ឯកឧត្តម ម៉ៅធនិន អភិបាលនៃគណអភិបាល ខេត្តពោធិ៍សាត់បានមានមតិស្វាគមន៏ចំពោះវត្តមានដ៏ខ្ពង់ខ្ពស់របស់ស៊ុយសែមដែលបានយកចិត្តទុកដាក់និងបានអញ្ជើញចូលរួមនិងផ្តល់កិត្តិយសក្នុងពិធីប្រកាសចូលកាន់មុខតំណែងរបស់ក្រុមប្រឹក្សាខេត្តពោធិ៍សាត់អាណត្តិទី២ក្នុងថ្ងៃនេះ។ឯកឧត្តមជាម៉ុងអគ្គនាយករងនៃអគ្គនាយកដ្ឋានរដ្ឋបាលមូលដ្ឋានក្រសួងមហាផ្ទៃបានអានព្រះរាជក្រឹត្យស្តីពីការទទួលស្គាល់សមសភាពសមាជិកក្រុមប្រឹក្សាខេត្តអាណត្តិទី២ ចំនួន ១៥រូប ដែលមានឯកឧត្តម ខូយ សុខា ជាប្រធានក្រុមប្រឹក្សាខេត្ត ។
មានមតិសំណេះសំណាលឯកឧត្តមស៊ុយសែមបានសម្តែងនូវទឹកចិត្តសប្បាយរីករាយជាទីបំផុតក្នុងពេលដែលឯកឧត្តមបានអញ្ជើញចូលរួមក្នុងពិធីប្រកាសចូលកាន់មុខតំណែងរបស់ក្រុមប្រឹក្សាខេត្តអណត្តិទី២។ក្នុងនាមរាជរដ្ឋាភិបាលកម្ពុជានិងក្នុងនាមឯកឧត្តមផ្ទាល់ឯកឧត្តមសូមអបអរសាទរនិងកោតសសើរនិងវាយតម្លៃខ្ពស់ពោះឯកឧត្តមលោកជំទាវសមាជិកសមាជិកាក្រុមប្រឹក្សា ពោធិ៍សាត់ដែលត្រូវបានតំណាងប្រជាពលរដ្ឋគឺក្រុមប្រឹក្សាឃុំសង្កាត់បានផ្តល់សេចក្តីទុកចិត្ត បោះឆ្នោតជ្រើសតាំងសមាជិកក្រុមប្រឹក្សាខេត្ត សំរាប់អាណត្តិទី ២ ដើម្បីបន្តដឹកបន្តឲ្យខេត្តពោធិសាត់ឲ្យមានការរីកចំរើនលើគ្រប់វិសយ័។
ឯកឧត្តមបានមានប្រសាសន៏ថាក្នុងនាមជាសមាជិកក្រុមប្រឹក្សាដែលបានជាប់ឆ្នោតទោះជាមានសមាសភាពចម្រុះមកពីគណបក្សផ្សេងៗគ្នាក៏ពិតមែន ប៉ុន្តែបើតាមគោលការណ៏ច្បាប់ក្រុមប្រឹក្សាគឺជាតំណាងឲ្យប្រជាពលរដ្ឋក្នុងខេត្ត ទាំងមូល ដូចនេះក្នុងការអនុវត្តការងារ ឯកឧត្តមលោកជំទាវ ជាសមាជិកក្រុមប្រឹកក្សាត្រូវខិតខំ បំរើផលប្រយោជន៏និងសេចក្តីតម្រូវការរបស់ប្រជាពលរដ្ឋឲ្យបានស្មើភាព ដោយមិនប្រកាន់និន្នាការ នយោបាយអ្វីឡើយ ។ ដោយផ្អែកតាមរបាយគារណ៏ របស់ឯកឧត្តម អភិបាលខេត្តបានធ្វើសេចក្តីរាយការណ៏សំរាប់អាណត្តិទី១របស់ក្រុមប្រឹក្សាខេត្តមន្ត្រីរាជការគ្រប់លំដាប់ថ្នាក់និងកងកំលាំងប្រដាប់អាវុធ ប្រជាពលរដ្ឋទូទាំងខេត្តពោធិសាត់បានរួមសាមគ្គីសហការរួមគ្នាយ៉ាងសកម្មខិតខំប្រឹងប្រែងក្នុងការកសាងអភិវឌ្ឍន៏ខេត្តពោធិ៍សាត់ឲ្យមានការរីកចំរើនឡើងលើគ្រប់វិស័យ។
