ភ្នំពេញ៖ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូនបានថ្លែងនៅក្នុងពិធីដាក់ឱ្យដំណើរការជាផ្លូវការ ប្រព័ន្ធស្វ័យប្រវត្តិកម្ម ចុះបញ្ជីយានជំនិះ ត្រួតពិនិត្យលក្ខណៈបច្ចេកទេស ផ្ដល់ប័ណ្ណបើកបរយានយន្តថា ចាប់ពីថ្ងៃនេះទៅ នៅពេលទិញឡាន ម៉ូតូថ្មី ប្រជាពលរដ្ឋលែងត្រូវការមកអគ្គនាយកដ្ឋានដឹកជញ្ជូន ដើម្បីធ្វើផ្លាកលេខ ធ្វើប័ណ្ណ
សម្គាល់យានជំនិះទៀតហើយ។ ឯកឧត្តមបន្តថា៖ ព្រោះគ្រប់ហាងលក់ម៉ូតូទាំងអស់ គាត់បង់លុយជំនួស ប្រជាពលរដ្ឋគ្រាន់តែចំណាយថ្លៃសេវាថែមបន្ដិចជាការស្រេច។ ជាឧទាហរណ៍៖ ម៉ូតូតម្លៃ ១៥០០ដុល្លារ ថ្លៃសេវា ១០ដុល្លារ ដូចនេះប្រជាពលរដ្ឋចំណាយតែ ១៥១០ ដុល្លារ ចប់រឿងហើយ។ ប្រជាពលរដ្ឋលែងត្រូវការ មកអគ្គនាយកដ្ឋានដឹកជញ្ជូនទៀតហើយ ដោយសារទិញម៉ូតូ មានទៅចាំយកផ្លាកលេខនៅនាយកដ្ឋានធ្វើអី មាននៅហាងម៉ូតូហើយ ឡានទិញឡានផ្លាកនៅកន្លែងឡានហើយ ប័ណ្ណសម្គាល់យានជំនិះចេញនៅកន្លែងហ្នឹងហើយ ចឹងលេងមកហើយ។ លុះត្រាមានករណីពិសេស មានបញ្ហាអីទើបមកពិភាក្សាគ្នា៕
