កំពង់ធំៈ អតីតយុទ្ធជន ដែលជួបប្រទះនឹងភាពខ្វះខាតទីជម្រកស្នាក់នៅ ត្រូវបានទទួលផ្ទះមួយខ្នង ដែលជាអំណោយ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា បានជួយដល់អតីតយុទ្ធជន គ្រប់ទិសទី មិនថាទីក្រុង ជនបទ ចុងកាត់មាត់ញក និងបានចាត់ទុកជាវរៈជនដ៏អង់អាចក្លាហានហ៊ានពលីជីវិតដើម្បីជាតិ។
ខ្នងផ្ទះលើកទី២៥ ដែលត្រូវបានផ្តល់ជូនអតីតយុទ្ធជន ដែលមានជីវភាពក្រីក្ររ ពិតប្រាកដ តាមរយះសមាគមអតីតយុទ្ធជនកម្ពុជា ខេត្តកំពង់ធំ នៅវេលាម៉ោង ៨,១៥នាទីព្រឹកថ្ងៃទី១០ខែកុម្ភះ ឆ្នាំ២០១៧ ដឹកនាំដោយឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានសមាគមអតីតយុទ្ធជនខេត្ត រួមទាំងសហការី ប្រគល់ផ្ទះថ្មី ជូនអតីតយុទ្ឋជន (ជាជនពិការ) ឈ្មោះ ខោល ឆឹម អាយុ៦២ឆ្នំា មានកូននៅក្នុងបន្ទុក៥នាក់ក្នុងចំណោមកូន មានបួសជាព្រះសង្ឃមួយអង្គ រស់នៅភូមិវល្លិយាវ ឃុំត្រពាំងឬស្សី ស្រុកកំពង់ស្វាយខេត្តកំពង់ធំ ដែលបានចំណាយថវិការក្នុងការសាងសង់អស់ ៤.៦៨០.០០០ រៀល ។
លោក ខោល ឆឹម បានថ្លែងអំណរគុណដល់សម្តេចតេជោ ហ៊ុន សែន ដែលជានិច្ចកាលសម្តេចតែងតែគិតគូរពីសុខទុក្ខប្រជាពលរដ្ឋ ពិសេសដល់អតីតយុទ្ឋជន ក្នុងនាមអតីតយុទ្ឋជនមួយរូប ខ្ញុំសូមបួងសួង សូមឲ្យទេវត្តានិងវត្ថុសាកសិទ្ឋក្នុងលោកតាមជួយបីបាច់ថែរក្សាសម្តេចនិងក្រុមគ្រួសារគ្រប់ពេលវេលា នឹងសូមជូនពរដល់សម្តេចឈ្នះឆ្នោតគ្រប់អណត្តិ ដើម្បីដឹកនាំប្រទេសឲ្យមានសន្តិភាព និងការអភិវឌ្ឍន៏បន្តទៅទៀត ក្នុងឱកាសនេះដែរក្រុមការងារបានជួយឧប្ថម្ភគាត់បន្ថែមនូវ អង្ករ២៥គីឡូក្រាម មីយើងមួយកេសទឹកស៊ីអ៊ីវមួយយួរ និងទឹកត្រីមួយយួរ ព្រមទាំងថវិការចំនួន១០០,០០០ រៀល ។
ដោយ ប៊ុន រដ្ឋា
