កំពង់ធំៈ កន្លងមកប្រជាពលរដ្ឋទូទាំងប្រទេស បានយល់ច្រឡំ ថាស្ថាប័នមីក្រូហិរញ្ញវត្ថុជារបស់រដ្ឋ ថែមទាំងមានប្រជាពលរដ្ឋជាច្រើន និយាយតៗគ្នាថា ជំពាក់លុយរដ្ឋ តែការពិតប្រជាពលរដ្ឋទាំងនោះបានទៅខ្ចី លុយស្ថាប័នក្រូហិរញ្ញវត្ថុ ដែលជាកម្មសិទ្ធរបស់ឯកជន ដោយមិនមានការពាក់ព័ន្ឋនិងរាជរដ្ឋាភិបាលទាលតែសោះ ទើបសម្តេចនាយរដ្ឋមន្រ្តី ហ៊ុន សែន បានចេញសេចក្តីប្រកាស់ជាផ្លូវការយ៉ាងទូលំទូលាយ តាមប្រព័ន្ឋផ្សព្វផ្សាយគ្រប់យ៉ាង ដើម្បីដោះស្រាយ ចម្ងល់ដែលបានឆ្ងល់និងយល់ច្រឡំមកយូរ ដោយមានន័យខ្លឹមសារថា ស្ថាប័នមីក្រូហិរញ្ញវត្ថុទាំងអស់នៅក្នុងប្រទេស ជារបស់ឯកជន ដោយមិនមែនជារបស់រដ្ឋនោះទេ ដោយលើកលែងតែស្ថាប័នធនាគារជាតិកាណាឌីយ៉ា និងធនាគារអភិវឌ្ឍន៍ជនបទ។
ពិធីប្រជុំផ្សព្វផ្សាយប្រសាសន៏សម្តេចតេជោ ហ៊ុន សែន ស្តីពី មីក្រូហិរញ្ញវត្ថុជាបស់ឯកជន មិនមែនជារបស់រដ្ឋ ត្រូវបាន ធ្វើឡើងនៅសាលប្រជុំទីបញ្ជាការដ្ឋានតំបន់ប្រតិបត្តិការសឹករងកំពង់ធំ នាល្ងាចថ្ងៃទី២៣ ខែកុម្ភះ ឆ្នាំ ២០១៧ ដល់នាយទាហាន នៃតំបន់ប្រតិបត្តិការសឹករងកំពង់ធំ ដើម្បីឲ្យពាំនាំយកទៅផ្សព្វផ្សាយបន្តនៅអង្គភាពរបស់ខ្លួន ឲ្យបាន យល់ជ្រាប់ពី ស្ថាប័នមីក្រូហិរញ្ញវត្ថុជារបស់ឯកជន ដោយមិនមែនជារបស់រដ្ឋ ឲ្យពលទាហាន និងប្រជាពលរដ្ឋបានដឹង ពីការពិត។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា ដោយសារ តែការយល់ច្រឡំពីសំណាក់ប្រជាពលរដ្ឋថា មីក្រូហិរញ្ញវត្ថុជារបស់រដ្ឋ បានធ្វើឲ្យមាន មានជនឆ្លៀតឪកាស ធ្វើការផ្សព្វផ្សាយថា បើគេឈ្នោះឆ្នោតនិងលុបចោលបំណុលដែលជំពាក់ទៅលើ មីក្រូហិរញ្ញវត្ថុ ដែលជាការអែបអាងភូត កុហកប្រជាពលរដ្ឋទាំងស្រុង ដូច្នេះចាប់ពីពេលនេះតទៅ ករណីមានជនណាធ្វើសកម្មភាពឃោសនាថា បើខ្លួនឈ្នះឆ្នោតខ្លួននិងលប់បំណុលដែលជំពាក់នៅធានាគារនោះ ត្រូវសហការជាមួយសមត្ថកិច្ចជំនាញដើម្បីចាត់វិធានការផ្តន្ទាទោសតាមផ្លូវតុលាការ។
ក្នុងពិធីនៃការប្រជុំផ្សព្វផ្សាយអនុសាសន៍ របស់សម្តេចតេជោ ហ៊ុន សែន ឯកឧត្តមបាន ពង្រឹងការអនុវត្តន៍តួនាទីភារកិច្ចសំខាន់ៗចំពោះមុខបន្ថែមដល់នាយទាហាន ទី១គឺចូលរួមសហការក្នុងការបង្ក្រាបបទល្មើសគ្រឿងញៀនខុសច្បាប់ ទី២ គឺបង្ក្រាបបទល្មើសនេសាទខុសច្បាប់ទី៣ គឺ បង្ក្រាបបទល្មើសព្រៃឈើ និងអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែល្អប្រសើរ។
ដោយ ប៊ុន រដ្ឋា
