កំពង់ធំៈ ប្រជាពលរដ្ឋក្រីក្រ រស់នៅដោយក្តីលំបាក រកព្រឹកខ្វះល្ងាច ត្រូវបានឧត្តមសេនីយ៍ត្រី សោម ស៊ុនមមេបញ្ជាការតំបន់ប្រតិបត្តិកាសឹករងកំពង់ធំ មានការអាណិតអាសូ និងសណ្តោសប្រណី ដល់ក្រុមគ្រួសារកំសត់នេះ ព្រមទាំងបានផ្តល់ជូននូវ ឈើឃ្នាប ចំនួន8 សន្លឹក (36ម៉ x 7.000 ៛ )មានតម្លៃ252.000រៀល និងស័ង្កសី20សន្លឹក សម្រាប់ការជួសជុលផ្ទះ ខណៈពេលដែលជម្រកស្នាក់នៅមានការធ្លុះធ្លាយ ។
របាយការណ៏ពីលោកមេភូម មេឃុំ និងមេប៉ុស្តិ៍ បានបញ្ជាក់ថា គ្រួសារទីទាល់ក្រ មានឈ្មោះ ឡន ណយ អាយុ៤៤ ឆ្នាំប្រពន្ឋឈ្មោះវ៉ាន ផា អាយុ៤៥ឆ្នាំ មានកូនតូចៗក្នុងបន្ទុកចំនួន៤នាក់ រស់នៅភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ ក្រុមគ្រួសារនេះគ្មានដីស្រែ សម្រាប់បង្ករបង្កើនផលនោះទេ គឺមានមុខរបរ ដើរស៊ីឈ្នួលធ្វើកម្មករគ្រប់យ៉ាងតាមតែអតិថិជនត្រូវការ រីឯភរិយា វេចនុំអន្សមដើរលក់គ្រាន់បានថវិកាសម្រប់ចិញ្ចឹកកូន គឺរកមួយថ្ងៃសម្រាប់ដោះស្រាយមួយថ្ងៃ ។
ឯកឧត្តម ឧត្តមសេនីយ៍ត្រី សោម ស៊ុន ក្រោយពីបានចុះពិនិត្យស្ថានភាពរស់នៅរបស់អតីតយុទ្ធជន ក៏បានជួបប្រទះនឹងគ្រួសារដែលមានជីវភាពក្រីក្រ រស់នៅក្នុងខ្ទមកំសត់ដំបូលធ្លុះធ្លាយ គ្មានដីសម្រាប់ធ្វើស្រែ កំពុងតែដង្ហោយរកសម្បុរសជន ជំនួយឧបត្ថម្ភ ក៏បានសម្រចចិត្តផ្តល់ ឈើ និង ស័ង្ខសី រួមជាមួយននិងលោកឃុំកំពង់ចិនជើង ដើម្បីឲ្យគាត់ជុលផ្ទះឲ្យគាត់រស់នៅបានសមរម្យ ក្នុងឱកាសនេះដែរ ក៏បានបានផ្តល់ជូនគាត់អំណោយរបស់ឯឧ ហ៊ុន ម៉ាណែត នូវ
អង្ករ២៥គីឡូក្រាម មីយើងមួយកេស និងវិកាចំនួន៥០,០០០រៀល ហើយបានផ្តាំផ្ញើរឲ្យថែទាំសុខភាព ជាពិសេសកូនចៅ ពិសារអាហារស្អាត មានអនាម័យ ចៀសវាងឆ្លងជំងឺរាករូស ក្នុងរដូវក្តៅនេះ ហើយសូមឲ្យមានការប្រុងប្រយ័ត្ន នូវអគ្គីភ័យ ពន្លត់ភ្លើងចង្រ្កានមុនពេលចាកចេញពីផ្ទះ ។
ដោយ ប៊ុន រដ្ឋា
