កំពង់ធំ= សមត្ថកិច្ចអាវុធហត្ថស្រុកបារាយណ៏ឃាត់ខ្លួនជនសង្ស័យជាមុខសញ្ញាចែកចាយនិងប្រើប្រាស់គ្រឿងញៀនចំនួន២នាក់បញ្ជូនទៅកាន់តុលាការបន្ទាប់ពីពួកគេបាននាំគ្នាចែកចាយនិងប្រើប្រាស់គ្រឿងញៀន កាលពីព្រឹកថ្ងៃទី២៥ខែកុម្ភះឆ្នាំ២០១៧នៅក្នុងភូមិច្រនៀង ឃុំ
ច្រនៀង ស្រុកបារាយណ៏ ខេត្តកំពង់ធំ។
លោកវរៈសេនីយទោ ឃុនប៊ុនហួរ មេបញ្ជាការអាវុធហត្ថស្រុកបារាយណ៏បានឲ្យដឹងថា បន្ទាប់ពីទទួលពត័មាន ពីបណ្តាញថាមានអ្នកសកម្មភាពចែកចាយនិងប្រើប្រាស់គ្រឿងញៀននៅចំនុចខាងលើនេះ ខ្ញុំក៏បានប្រមូលកម្លាំង មានរថយន្តនិងម៉ូតូ ចុះដល់ទីតាំងនោះភ្លាមៗតែម្តង ជាលទ្ធផលយើងបានឃាត់ខ្លួនជនសង្ស័យ ២នាក់ និងម្ស៉ៅក្រាមថ្លា ពណ៍សរ ជាសារធាតុញៀនចំនួន៤កញ្ចប់និងម៉ូតូC100.១គ្រឿង សម្ភារៈវេចខ្ចប់១ចំនួននាំយកមកសាកសួរនៅទីបញ្ជាកងរាជអាវុធហត្ថស្រុកបារាយណ៍ តែម្ដង ដោយជនសង្ស័យទី១ឈ្មោះ ជា មនោរម្យ ភេទប្រុសអាយុ២៨ឆ្នាំ នៅភូមិ ឃុំខាងលើ (ជាអ្នកចែកចាយ) ទី២.ឈ្មោះហូត គឹមឆៃ ភេទប្រុសអាយុ២៧ឆ្នាំរស់នៅភូមិទួលទំពួង ឃុំជ្រលង ស្រុកបារាយណ៏ ខេត្តកំពង់ធំ (ជាអ្នកប្រើប្រាស់)។ជនសង្ស័យឈ្មោះជាម នោរម្យ ក៏បានឆ្លើយថាខ្លួនគេជាមន្ត្រីនគរបាលប៉ុស្តិជ្រលង ទើបតែចាប់ផ្ដើមចែកចាយគ្រឿងញៀន ជាមួយម្នាក់ទៀតជាអ្នកប្រើប្រាស់តែប៉ុណ្ណោះ ពាក់ព័ន្ធរឿងនេះដែរ លោក សួងថេន អធិការនគរបាលស្រុកបារាយណ៏បានអះអាងថាជនសង្ស័យម្នាក់នេះ មិនដែលចូលកន្លែង ត្រូវបានអង្គភាពស្នើទៅថ្នាក់លើបណ្តេញចេញហើយ មិនមានពាក់ព័ន្ធនិងអង្គភាពយើងទៀតទេ ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការ ខេត្តកំពង់ធំ នៅល្ងាចថ្ងៃអាទិត្យនេះដើម្បីចាត់ការតាមច្បាប់។ប៊ុន រិទ្ធី
