អ៊ួង វឹង:
ខេត្តកែប ៖ ករណីគ្រោះថ្នាក់ចរាចរណ៍មួយ បានឡើងរវាងម៉ូតូនិងរថយន្តសាំងយ៉ុង កាលពីវេលាម៉ោង៤និង៤០នាទីយប់ទាបភ្លឺ ឈានចូលព្រឹក ថ្ងៃទី១១ខែមិនាឆ្នាំ២០១៧ តាមបណ្តោយផ្លូវជាតិលេខ៣៣A ត្រង់ចំណុចមុខវិហារខ្មែរឥស្លាមភ្នំព្រូស ស្ថិត
ក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។ បើមតាមប្រភពពីប្រជាពលរដ្ឋ អ្នកឃើញ
ហេតុការណ៍បានអោយដឹងថា ពេលបុកបះទង្គិចគ្នាដំបូង គ្មាននណាដឹងឡើយស្មានតែធម្មតា ប៉ុន្តែអ្នកដំណើរទៅមកបានឃើញករណីនេះក៏បានប្រាប់តៗគ្នា រហូតបានដឹងដល់សមត្ថកិច្ចមកអន្តរាគមន៍ តាមប្រភពដដែលបានបន្តថា បុរសជនរងគ្រោះត្រូវបានគេសង្ស័យថាបានបើកម៉ូតូវ៉ាគ្នាជាមួយរថយន្តផ្សេងទៀត ទើបបានជ្រុលទៅបុកនិងរថយន្តសាំងយ៉ុងដែលធ្វើដំណើរមកពីទិសខាងកើតមកលិចចំពេញទំហឹងតែម្តងបានបណ្តាលអោយបុរសអ្នកបើកស្លាប់នៅនឹង
កន្លែង ភ្លាមៗនោះអ្នកបើករថយន្តបង្កបានរត់គិចខ្លួនបាត់ស្រមោល។
ពាក់ព័ន្ធករណីគ្រោះចរាចរណ៍នេះដែរ លោកវរសេនីយ៍ទោ មាស ទិត្យ អធិការរងទទួលផែនសណ្តាប់ធ្នាប់ បានបញ្ជាក់ប្រាប់អ្នកសារព័ត៌មានយើងថា ករណីនេះបានបង្កដោយរថយន្តមួយគ្រឿងម៉ាក សាំងយ៉ុង ពណ៌ស ពាក់ស្លាក់លេខ ព្រះសីហនុ( 2A-52 56) អ្នកបើកបរមិនស្គាល់អត្តសញ្ញាណ ក្រោយពីកើតហេតុ បានរត់គេចខ្លួនបាត់ បន្សល់ទុកតែរថយន្តនិងទំនេញលើរថយន្តនេះ ចំណែកម៉ូតូរងគ្រោះ ម៉ាកសង់កូរ៉េC110 ពណ៌ក្រហមពាក់ស្លាក់លេខ កំពត 
(1A-87 04) បើកបរដោយបុរសម្នាក់ ឈ្មោះ ង៉ែត មាន ភេទប្រុសអាយុ៣៣ឆ្នាំរស់នៅភូមិអូរក្រសារ សង្កាត់អូរក្រសារ ក្រុងកែប ខេត្តកែប ត្រូវបានស្លាប់នៅនឹងកន្លែងភ្លាម។
បច្ចុប្បន្នសាក់សពបុរសនេះ ត្រូវបានសមត្ថកិច្ចប្រគល់ជូន ក្រុមគ្រួសារ យកទៅធ្វើបុណ្យតាមប្រពៃណី ចំពោះវត្ថុតាងរថយន្តបង្ក និងម៉ូតូរបស់ជនរងគ្រោះ ត្រូវបានសមត្ថកិច្ចយកមករក្សាទុកនៅ អធិការដ្ឋាននគរបាលក្រុងកែប ដើម្បីស្រាវជ្រាវវែកមុខរកម្ចាស់ មកដោះស្រាយគ្នាជាក្រោយ៕
