កំពង់ធំៈ ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ដើម្បីឲ្យប្រជាពលរដ្ឋទទួលបាននូវសុខ សុវត្តិភាពល្អ និងមានភាពទទួលខុសត្រូវ ចំពោះតួនាទីភារកិច្ចរបស់ប្រជាការពារ គឺជាការចាំបាច់ណាស់ ចំពោះកងកម្លាំងស្ម័គ្រចិត្តប្រជាការពារទាំងអស់ ត្រូវតែមានវិន័យ នឹងសេចក្តីថ្លៃថ្នូរមានការយល់ដឹងពីច្បាប់របស់រាជរដ្ឋាភិបាល ដើម្បីចញ្ជ្រៀសនូវបញ្ហាប្រព្រឹត្តដោយល្មើសច្បាប់។
ពិធីសំណេះសំណាលជាមួយនឹងប្រជាការពារ ចំនួន៦៨នាក់ លើចំនួន១៤៥ នាក់ក្នុងភូមិទាំង១៥ ដើម្បីក្រើនរំលឹកអំពីការចូលរួមអនុវត្តន៍នូវគោលនយោបាយភូមិឃុំមានសុវត្ថិភាពទាំង៩ចំណុច ក្នុងគោលបំណង ផ្សព្វផ្សាយពីសភាពការណ៍ទូទៅ នៃការរីកចម្រើនរបស់ប្រទេសជាតិ ក្រោមដឹកនាំរបស់សម្តេចតេជោ ហ៊ុន សែន និងជាពិសេសផ្សព្វផ្សាយពី មីក្រូហិរញ្ញវត្ថុទាំងអស់នៅកម្ពុជាគឺជារបស់ឯកជន ហើយនិងការខិតខំប្រឹងប្រែងសហការជាមួយមីក្រូហិរញ្ញវត្ថុឯកជនដើម្បីបញ្ចុះតម្លៃអត្រាការប្រាក់មកនៅត្រឹម១៨%ក្នុងមួយឆ្នាំ ឬ១,៥% ក្នុងមួយខែចាប់ពីថ្ងៃទី១ខែមេសាឆ្នាំ២០១៧តទៅពិធីនេះត្រូវបានធ្វើឡើងនៅឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី១៥ខែ មីនា ឆ្នាំ២០១៧។
ឯកឧត្តមសេនិយត្រី សោម ស៊ុន មេបញ្ជាការតំបន់សឹករងកំពង់ធំ និងជាអនុប្រធានគណបញ្ជាការឯកភាពរដ្ឋបាលខេត្ត បានបញ្ជាក់ថា ប្រជាការពារទាំង១៥ភូមិស្មើរ១៤៥នាក់ ត្រូវបានតំបន់ប្រតិបត្តិការសឹករងកំពង់ធំបំពាក់ឯកសណ្ឋានជូន និងបានបំពាក់ជូនផងដែរនូវវិទ្យុទាក់ទងចំនួន ៣៥ គ្រឿងសម្រាប់បំពេញភារកិច្ចសហការជាមួយនគរបាលប៉ុស្ត៍រដ្ឋបាលឃុំផងដែរ ក្នុងនោះក៏បានកោតសរសើរ និងវាយតំលៃខ្ពស់ ចំពោះការខិតខំប្រឹងប្រែង យ៉ាងយកចិត្តទុកដាក់ របស់ប្រជាការពារទាំង ១៥ភូមិ ក្នុងកិច្ចសហការជាមួយនឹងសមត្ថកិច្ច អាជ្ញាធរ ដើម្បីរួមគ្នាទប់ស្កាត់ នូវបទល្មើសផ្សេងៗនៅក្នុងមូលដ្ឋាន ដើម្បីការពារសុវត្តិភាពជូនប្រជាពលរដ្ឋ ក្នុងឳកាសនោះ ឯកឧត្តមសេនិយត្រី សោម ស៊ុន បានបំពាក់កន្សែងជូនប្រជាការពារគ្រប់គ្នាទុកជាអនុស្សាវរីយទុកជាអនុស្សាវរីយ៍ ។
ដោយ ប៊ុន រដ្ឋា
