កំពង់ធំៈ ឯកឧត្តម សោម ស៊ុន សមាជិកអចិន្ត្រៃយ៏គណបក្សប្រជាជនកម្ពុជាខេត្តកំពង់ធំ ព្រមទាំងសហការី បានអញ្ជើងចុះសំណេះសំណាលនិងសួរសុខទុក្ខសមាជិកបក្ស និងសកម្មជនរបស់គណបក្សប្រជាជនកម្ពុជាចំនួន សរុប១៦៤នាក់នៅក្នុងវត្តបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃសៅរ៏ទី25ខែមីនាឆ្នាំ 2017។
ពិធីសំណេះសំណាលនេះ បានផ្តល់ឲ្យសមាជិកបក្សទាំងអស់ បើកបេះដូង និងបញ្ហាដាក់លើតុ ដើម្បីចែករំលែកបទពិសោធន៍ ដល់សកម្មជនសមាជិកគណបក្សប្រជាជនកម្ពុជា ឃុំបន្ទាយស្ទោង និងស្តាប់នៃការណែនាំនិងចង្អុល បង្ហាញពីគោលការណ៍ និងយុទ្ធវិធី ឆ្ពោះទៅភាពជោគជ័យរបស់គណបក្សឃុំ ដើម្បីត្រៀមទប់ស្កាត់ និងការបកស្រាយ នូវចំនុចបញ្ហាមួយចំនួន ដែលមិនមែនជាការពិត ឬជាការលាបពណ៌មកលើគណបក្សប្រជាជន។
ឯកឧត្តម សោម ស៊ុន ប្រធានក្រុមការងារបក្ស បានលើកឡើងថា ពិធីបានអនុញ្ញាតិឲ្យ សមាជិកបក្សទាំងអស់អញ្ជើញ លើកឡើងពីបញ្ហាកង្វល់ និងបញ្ហាប្រឈមដែលកើតមានឡើងនៅមូលដ្ឋាន ដើម្បីរួមគ្នាគិត រួមគ្នាដោះស្រាយ រួមគ្នាធ្វើ នូវបញ្ហាមួយចំនួនដែល ចាំបាច់ត្រូវយល់ឲ្យបានច្បាស់ ដើម្បីចាត់ចែងអនុវត្តការងារតាមយុត្តិសាស្រ្តឈ្នះ របស់រាជរដ្ឋាភិបាល។
ក្នុងពិធីសំណេះសំណាល ឯកឧត្តម សោម ស៊ុន ប្រធានក្រុមការងារបក្ស បានឆ្លៀតឳកាស បកស្រាយបញ្ហាប្រវត្តិសាស្រ្ត សភាពការណ៏ប្រទេសកម្ពុជា ក្នុងសម័យសង្គមរាស្ត្រនិយម. ក្នុងសម័យលន់ ណុល និងក្នុងសម័យប៉ុល ពត ក្នុងសម័យរដ្ឋកម្ពុជា និងក្នុងសម័យព្រះរាជាណាចក្រកម្ពុជា និងចំណុចទី២ការដឹកនាំប្រទេសជាតិ ដោយគណបក្សប្រជាជនកម្ពុជា ដែលមានសម្តេចតេជោហ៊ុន សែន ជានាយករដ្ឋមន្ត្រី បានបញ្ចប់សង្គ្រាមទាំងស្រុង និងកំពុងកសាងនិងអភិវឌ្ឍន៏ប្រទេសជាតិឲ្យមានការរីកចម្រើន ។
ក្នុងនោះដែរក៏បានផ្តាំផ្ញើរឲ្យ សកម្មភាពជនបក្សទាំងអស់ កុំជឿលើការញុះញ៉ុង ពីសំណាក់ពួកអគតិមួយចំនួនដែលមិនបានធ្វើអ្វីសោះជួយដល់សង្គមជាតិ ក្នុងការរួមចំណែកកសាងប្រទេស តែពួកគេខិតខំញុះញង់លាបពណ៌ បំផ្លឹសពត៌មាន បំពុលបរិយាកាសសង្គម ក្នុងគោលបំណងធ្វើឲ្យខ្មែរបែកបាក់និងកើតសង្គ្រមជាថ្មី និងសុំឲ្យសមាជិក បក្សយើងទាំងអស់គ្នាខិតខំរួមគ្នាធ្វើអំពើល្អដើម្បីបម្រើប្រជាជនយើង និងត្រៀមគ្រប់លក្ខណសម្បត្តិដើម្បីទៅបោះឆ្នោតជូនគណបក្សប្រជាជនកម្ពុជា ក្នុងការជ្រើសក្រុមប្រឹក្សាឃុំនៅពេលខាងមុខឲ្យបានគ្រប់គ្នា ។ដោយ ប៊ុន រដ្ឋា
