កាលពី រសៀលថ្ងៃទី ៣០ខែមីនា ឆ្នាំ២០១៧ នៅសាលាស្រុកអង្គរជ័យ ខេត្តកំពត ។ ក្រុមការងារមន្ទីរ មុខងារសាធារណៈ ខេត្តបានរៀបចំ កម្មវិធីបើកកិច្ចប្រជុំផ្សព្វផ្សាយច្បាប់ស្ដីពីសហលក្ខន្តិកៈមន្ត្រីរាជការស៉ីវិលនិងលិខិតបទដ្ឋានគតិយុត្តថ្មីៗ ពាក់ព័ន្ធនឹងការគ្រប់គ្រងមន្ត្រីរាជការស៉ីវិលក្រោមអធិបតីភាពឯកឧត្ដមចាន់-ចេស្ដាអភិបាលនៃគណៈភិបាលខេត្ត។
បន្ទាប់ពីលោកកឹម បូណ្ណា អភិបាលនៃគណៈអភិបាលស្រុក បានអោយដឹងអំពីស្ថានភាពមន្ត្រីរាជការក៏ដូចសមិទ្ធផលរីកចម្រើននានាក្នុងទូទាំងស្រុករួចមក។
លោក ជិន វណ្ណថា ប្រធានមន្ទីរមុខងារសាធារណៈខេត្តកំពតបានបញ្ចាក់ថា៖ កិច្ចប្រជុំផ្សព្វផ្សាយនាពេលនេះគឺក្នុងគោលដៅបញ្ជ្រាបការយល់ដឹងថ្មីៗបន្ថែមទៀតសម្រាប់ដល់ថ្នាក់ដឹកនាំ មន្រ្តីជំនាញស៉ីវិល និងមន្ត្រីជាប់កិច្ចសន្យាដើម្បីពង្រឹងដល់ការអនុវត្តតួនាទីភារកិច្ចរបស់រដ្ឋបាលថ្នាក់ក្រោមជាតិឲ្យបានកាន់តែរលូន និងមានប្រសិទ្ធភាព ទាំងការគ្រប់គ្រងមន្ត្រីរាជការថ្នាក់ក្រោមជាតិនិងទាំងការផ្ដល់សេវាសាធារណៈជនប្រជាពលរដ្ឋ ។
ក្នុងនោះវគ្គផ្សាយនេះបានផ្ដោតទៅលើឯកសារ ច្បាប់ស្តីពីសហលក្ខន្តិកៈមន្រ្តីរាជការស៊ីវិលនិងលិខិតបទដ្ឋានគតិយុត្តិដែលពាក់ព័ន្ធ នឹងការគ្រប់គ្រងមន្រ្តីរាជការស៊ីវិល និងមន្ត្រីជាប់កិច្ចសន្យា ច្បាស់អំពី លក្ខនិ្តកៈដោយឡែកសម្រាប់បុគ្គលិករដ្ឋបាលថ្នាក់ក្រោមជាតិ ច្បាស់ស្តីអំពីការគ្រប់គ្រង់វត្តមានមន្រ្តីរាជការស៊ីវិល និងមន្រ្តីជាប់កិច្ចសន្យា ការបង្កើតរបបសន្តិសុខសង្គមផ្នែកហានិភ័យការងារសម្រាប់មន្រ្តីសាធារណៈ និងផ្នែកថែទាំសុខភាពសម្រាប់ មន្រ្តី សាធារណៈអតីតមន្រ្តីរាជការ និងអតីតយុទ្ធជនរួមនិងអនុក្រឹត្យផ្សេងៗទៀត ។
មានប្រសាសន៍ បើបកិច្ចប្រជុំ ឯកឧត្ដមចាន់-ចេស្ដាអភិបាលនៃគណៈភិបាលខេត្ត បានគូសបញ្ជាក់ថា៖ រាជរដ្ឋាភិបាលកម្ពុជា នៅក្នុងនីតិកាលទី៥ នៃរដ្ឋសភា បានដាក់ចេញនូវកំណែរម្រង់ស៉ីជម្រៅ លើវិស័យជាច្រើនក្នុងគោលដៅ អភិវឌ្ឍន៍សេដ្ឋកិច្ច សង្គម ប្រកបដោយចក្ខុវិស័យ ។ ក្នុងនោះបានដាក់ចេញនូវយុទ្ធសាស្ត្រចតុកោណ ដំណាក់កាលទី៣ ដើម្បីបន្តពង្រឹងនូវយន្តការនានា ធានាឲ្យបាននូវកំណើនការងារ សមធ៌ និងប្រសិទ្ធភាពពិតប្រាកដនៅកម្បុជា។
ក្នុងស្មារតីនេះរដ្ឋបាលថ្នាក់ក្រោមជាតិ គ្រប់លំដាប់ថ្នាក់ ក៏មានតួនាទីយ៉ាងសំខាន់ក្នុងការរួមចំណែក ទទួលខុសត្រូវ អនុវត្តន៍នូវគោលយោបាយកំណែទម្រង់វិមជ្ឈការ និងសហវិមជ្ឈការ របស់រាជរដ្ឋាភិបាលតាមរយៈច្បាប់និងលិខិតបទដ្ឋានគតិយុត្តនានាដែលពាក់ព័ន្ធ ។ ពិសេសតាមរយៈច្បាប់ស្ដីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ និងច្បាប់ស្ដីពី ការគ្រប់គ្រងរដ្ឋបាល ឃុំ សង្កាត់។
ឯកឧត្ដមអភិបាលខេត្ត ក៏បានចាត់វគ្គផ្សព្វផ្សាយនេះពិតជាបាននាំមកនូវការយល់ដឹងកាន់តែច្បាស់ អំពីខ្លឹមសារនៃលិខិតបទដ្ឋាននិងគោលនយោបាយ ថ្មីៗបន្ថែមទៀត ក្នុងវិស័យកំណែទម្រង់រដ្ឋបាលសាធារណៈរបស់រដ្ឋស្របទៅនឹងសភាពការណ៍វិវត្តន៍ជាក់ស្ដែងរបស់ប្រទេសជាតិ ក្រោមការដឹកនាំរបស់រាជរដ្ឋាភិបាលកម្ពុជា ដែលមានសម្ដេចតេជោហ៊ុនសែនជាប្រមុខដឹកនាំ។ឯកឧត្ដមអភិបាលខេត្ត ក៏បានផ្ដាំផ្ញើដល់មន្ត្រីទាំងអស់ដែលបានចូលរួមនាឱកាសនេះ ។ ក្រោយពីទទួលបាននូវការយល់ដឹងក្នុងវគ្គផ្សព្វផមសាយនេះ ត្រូវយកទៅផ្សព្វផ្សាយបន្តនិងចាត់តាំងមន្រ្តីក្រោមឱវាទរបស់ខ្លួន អោយបានម៉ឺងម៉ាត់ តាមស្មារតីនៃច្បាប់ និងលិតបទដ្ឋាន ។ពិសេសត្រូវយកចិត្តទុកដាក់ខ្ពស់ក្នុងការផ្ដល់សេវាសាធារណៈគ្រប់ប្រភេទជូនប្រជាពលរដ្ឋអោយបានកាន់តែល្អប្រសើរឡើងថែមទៀត។
