កំពង់ធំៈ អតីតយុទ្ធជនក្នុងខេត្តកំពង់ធំ ដែលមានជីវភាពក្រីក្រ និងមានភាពខ្វះខាត កំពុងតែត្រូវយកចិត្តទុកដាក់ ពីសំណាក់សម្តេចតេជោ ហ៊ុន សែន ប្រធានសមាគមន៍អតីតយុទ្ធជនកម្ពុជា ជួយដល់អតីតយុទ្ធជនដែលគ្មានផ្ទះសំបែង ស្នាក់នៅសមរម្យ និងត្រូវបានសាងសង់ផ្ទះជូនតាមរយះឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា ដោយឲ្យសមាគមអតីតយុទ្ធជនកម្ពុជាខេត្ត កំពង់ធំ ជាអ្នកដឹកនាំការសាងសង់។
លោក សំ សារ៉ាន ជាអតីតយុទ្ធជន ក្រោយពេលចូលនិវត្តន៍ មានជីភាពខ្វះខាត គ្មានផ្ទះសំបែងសមរម្យ បច្ចុប្បន្នរស់លំនៅភូមិប្រតោង ឃុំស្វាយភ្លើង ស្រុកបារាយណ៍ ខេត្តកំពង់ធំ និងត្រូវបានប្រគល់ផ្ទះមួយខ្នង ដែលមានទំហំ ៤គុណ៦ ធ្វើអំពីឈើ ប្រកស័ង្ខសី នៅល្ងាចថ្ងៃទី០៦ខែមេសាឆ្នាំ២០១៧ ដែលត្រូវបានចំណាយថវិការនៃការសាងសង់ អស់ទឹកប្រាក់ ៥.៥៤០.០០០៛ ជាអំណោយដ៏ថ្លៃថ្លារបស់សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
លោក សំ សារ៉ាន់ អាយុ៥៦ឆ្នាំ ជាបុរសពោះម៉ាយមានកូន៣នាក់នៅក្នុងបន្ទុក មានក្តីរំភើប និងត្រេតអរ ឥតឧបមា ខណៈពេលដែលបានទទួលផ្ទះពិតៗ ដែលមិនមែនជាការយល់សុបិន្ត ដោយកន្លងមកធ្លាប់តែមានគេមកសន្យា តែក៏មិនដែលបានទទួលម្តងណាឡើយ ទើបតែពេលនេះគឺបានទទួលផ្ទះថ្មីមួយខ្នង របស់សម្តេច តេជោ ហ៊ុន សែនហើយខ្ញុំនិងប្តេជ្ញាចិត្តស្មោះត្រង់បោះឆ្នោតជូនគណបក្សប្រជាជនកម្ពុជាលុះអាវសានជីវិត។ 
លោក មេឃុំ ស្វាយភ្លើង បានថ្លែងអំណរគុណដល់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ដែលបានគិតគូរដល់ការរស់នៅ ពីសុខទុក្ខរបស់អតីតយុទ្ធជន និងប្រជាពលរដ្ឋទូទាំងប្រទេស ដោយប្រជាពលរដ្ឋ នឹងមិនភ្លេចគុណដ៏ថ្លៃថ្លា ក្នុងការគិតគូរ ដល់រាស្រ្ត ទោះនៅទីណា ចំកាត់មាត់ញក ក៏សម្តេចតែងតែចុះជួយជានិច្ច សម្តេចគឺជាម្លប់ដ៏ត្រជាក់ត្រឈឹងត្រឈៃ សម្រាប់ប្រជាជនខ្មែរ ដោយគ្មានគណបក្ស ណាអាចធ្វើបាននោះទេ ដូច្នេះនឹងស្មោះត្រង់ជានិច្ចចំពោះគណបក្សប្រជាជនកម្ពុជា។ 
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ក្នុងនាមខ្ញុំជាមេបញ្ជាការតំបន់ប្រតិបត្តិការសឹករងកំពង់ធំនិងជា ប្រធានសមាគមអតីយុទ្ឋជនកម្ពុជាខេត្ត ខ្ញុំបានដឹកនាំសហការីរួមជាមួយលោកមេឃុំ មេភូមិ ព្រមទាំងកងកម្លំាងប្រដាប់អាវុធទាំងបីនៃសមាគមអតីតយុទ្ឋជនខេត្តកំពង់ធំ បានបន្តចុះប្រគល់ផ្ទះមួយខ្នងជូនដល់លោក សំ សារ៉ាន់ ដែលជាខ្នងផ្ទះទី៣៤ហើយ ក្នុងឱកាសនេះក្រុមការងារបានផ្ដល់ជូនគាត់នូវអង្ករចំនួន២៥គីឡូក្រាម ម៉ាម៉ាមួយកេស ទឹកត្រីទឹកស៊ីអ៊ីវពីរយួរ និងថវិកាចំនួន២២០.០០០៛ សម្រាប់ជាអំណោយជូនដល់អតីតយុទ្ធជនក្នុងឳកាសទទួលផ្ទះថ្មី ។ ដោយ ប៊ុន រដ្ឋា
