VDEO កីឡាករ Cristiano Ronaldo បានវិលត្រឡប់មកធ្វើការវឹកហាត់ជាមួយមិត្តរួមក្រុម ព័រទុយហ្គាល់របស់ខ្លួនវិញហើយ ។ កំពូលខ្សែប្រយុទ្ធរបស់ក្រុមអធិរាជស Real Madrid រូបនេះ កំពុងត្រូវបានគេមានមន្ទិលសង្ស័យថា ប្រហែលជាមិនអាចជាសះស្បើយទាន់ពេលក្នុងជំនួប World Cup ជាមួយក្រុមឥន្ត្រីដែកអាល្លឺម៉ង់នោះទេដោយសាតែរូបគេមានបញ្ហារបួសជង្គង់និងសាច់ដុំភ្លៅ ។ ប៉ុន្តែទោះបីជាយ៉ាងណាក៏ដោយ ការបង្ហាញខ្លួនក្នុងការវឹកហាត់បានធ្វើឲ្យមានអ្នកសារព័ត៌មានជាច្រើនបានលើកឡើងថា កីឡាករវ័យ២៩ឆ្នាំរូបនេះអាចនឹងចូលលេងបានក្នុងជំនួបជាមួយអាល្លឺម៉ង់នៅថ្ងៃច័ន្ទក្រោយ ។ សហព័ន្ធបាល់ទាត់ប្រទេសព័រទុយហ្គាល់ក៏បានបញ្ជាក់ផងដែរថា អតីតកីឡាកររបស់ Liverpool និង Chelsea គឺ Raul Meireles (រ៉ាអ៊ូល មីរ៉េឡេស) ក៏ចូលវឹកហាត់វិញផងដែរបន្ទាប់ពីមានបញ្ហារបួសសាច់ដុំប៉ុន្តែខ្សែការពារ Pepe (ប៉េប៉េ) របស់ Real Madrid នៅមិនទាន់ជាពីរបួសជើងនៅឡើយទេ ៕
