VDEO ខ្សែបម្រើក្លិបអ្នកមានបុណ្យ Barcelona កីឡាករ Javier Mascherano (ហ្សាវីយេ ម៉ាសេរ៉ាណូ) បានព្រមព្រៀងចុះកិច្ចសន្យាថ្មីជាមួយក្លិបហើយបញ្ចប់ពីមន្ទិលសង្ស័យទាក់ទង នឹងអនាគតរបស់ខ្លួន ។ កីឡាករវ័យ២៩ឆ្នាំដែលនឹងត្រូវជាប់ភារកិច្ចលេង World Cup ជាមួយជម្រើសជាតិអាហ្សង់ទីន រូបនេះធ្លាប់មានទំនាក់ទំនងលើការចាកចេញពីទឹកដី Nou Camp ជាយូរមកហើយប៉ុន្តែឥឡូវនេះ រូបគេបានសម្រេចចិត្តបន្តកិច្ចសន្យាថ្មីជាមួយ Barcelona រហូតដល់ឆ្នាំ ២០១៨ ។ Mascherano បានផ្លាស់ពី Liverpool មក Barcelona ក្នុងឆ្នាំ ២០១០ ហើយចូលលេងបានជាង១០០ប្រកួត ។
គួរបញ្ជាក់ថា Barcelona បានបញ្ចប់នៅចំណាត់ថ្នាក់ទី២ក្នុងក្របខណ្ឌ La Liga កាលពីរដូវកាលមុនហើយបច្ចុប្បន្នក្លិបនេះកំពុងស្ថិតក្រោមការដឹកនាំរបស់លោក Luis Enrique (ល្វីស អេនរីកេ) ដែលត្រូវបានតែងតាំងនៅខែមុន ៕
