គ្រោះថ្នាក់ចរាចរណ៍រវាងម៉ូតូនិងម៉ូតូបណ្ដាលអោយស្លាប់ម្នាក់និងរងរបួសធ្ងន់ពីនាក់

ឧត្តមានជ័យ៖ បុរសម្នាក់បានស្លាប់ក្រោយពេលបញ្ជួនដល់មន្ទីពេទ្យនិងពីនាក់ប្ដីប្រពន្ធបានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងម៉ូតូនិងម៉ូតូ កាលពីវេលាង៦និង៣០នាទីល្ងាចថ្ងៃទី២ ខែឧសភា ឆ្នាំ២០១៧ ស្ថិតនៅលើកំណាត់ផ្លូវជាតិលេខ៥៦A ក្នុងភូមិទន្លេសរ ឃុំគោកខ្ពស់ ស្រុកបន្ទាយអំពិលខេត្តឧត្ដមានជ័យ។

សាកសពជនរងគ្រោះ មានឈ្មោះ ថន ថុល ភេទប្រុសអាយុ២១ឆ្នាំរស់នៅក្នុងភូមិឃុំកើតហេតុខាងលើ។ជនបង្ករឈ្មោះ សៀងកំសត់ ភេទប្រុសអាយុ៣០ឆ្នាំ រស់នៅភូមិពោធិ៍ថ្មីឃុំបេងស្រុកបន្ទាយអំពិល ខេត្តឧត្តរមានជ័យ និងនាក់រួមដំណើរជាប្រពន្ធឈ្មោះ ណាល់ ចាន់ នឿ ភេទស្រីអាយុ២២ឆ្នាំ។បើតាមការអោយដឹងពីសាក្សីនៅកន្លែងកើតហេតុថា ម៉ូតូទាំងពីគ្រឿងខាងលើបានធ្វើដំណើស្របទឹសគ្នា ពេលមកដល់កន្លែងកើតហេតុដោយមានការឡើងវ៉ាជែងគ្នា ក្នុងល្បឿនលឿនដោយមិនមានការប្រុងប្រយត្ន័ក៍បានព្រលះគ្នាពេញមួយទំហ៊ឹងតែម្ដងទៅរហូតបង្ករអោយមានស្លាប់និងរបួស។ក្រោយពេលកើតហេតុសមត្ថកិច្ចជុំនាញចរាចរណ៍បានចុះ ធ្វើការវាស់វែងនិងប្រមូលវត្ថុតាងម៉ូតូទាំងពីរគ្រឿងខាងលើយកមករក្សាទុកនៅអធិការដ្ឋាននគរបាលស្រុកបន្ទាយអំពិល  និងចាត់ការទៅតាមផ្លូវច្បាប់។

ដោយ(ចាន់ ធី)