កំពង់ធំៈ ក្បួនហែរគណបក្សប្រជាជនកម្ពុជា ឃុំបន្ទាយស្ទោង បានចាប់ផ្តើមធ្វើដំណើរចាប់ពីវត្តបន្ទាយស្ទោង ដោយមានប្រជាពលរដ្ឋ ដែលជាមាជិកគណបក្សប្រជាជនកម្ពុជា ជិត១០០០នាក់ ប្រកបដោយរថយន្ត គោយន្ត ម៉ូតូជាច្រើនគ្រឿង តុបតែងលំអរដោយស្លាកសញ្ញាគណបក្សប្រជាជនកម្ពុជា ដែលជាស្លាកសញ្ញា មានរូបទេវតាបាចផ្កាជូនពរជ័យដល់ប្រជាប្រុសស្រី ទទួលសេរីសួរស្តីសុភមង្គល់គ្រប់ក្រុមគ្រួសារ។
ស្លាកសញ្ញារូបទេវតា នេះហើយដែលជាអ្នកមានគុណបំណាច់ ជួយឲ្យប្រជាពលរដ្ឋខ្មែរទូទាំងប្រទេស រស់រានមានជីវិត សារជាថ្មី បន្ទាប់ពីត្រូវបានឃុំឃាំងសេរីភាព ធ្វើទារុណកម្ម បង្អត់អាហារ ប្រជាពលរដ្ឋរងទុក្ខវេទនា ស្មើរនឹងរស់នៅជា មួយឋាននរគ តែដោយគុណដ៏ធំធេងរបស់ទេវតា បាចផ្កាបានមកជួយប្រជាជនខ្មែរឲ្យរស់រានមានជីវិតឡើងវិញ នៅថ្ងៃ ៧មករា ឆ្នាំ ១៩៧៩ ដូច្នេះសូមខ្មែរគ្រប់រូបត្រង់ចាំថា អ្នកណាជាអ្នកជួយយើង គឺមានតែគណបក្សប្រជាជន ដែលមាន រូបសញ្ញាទេវតាបាចផ្កាតែមួយគត់ ដែលបានជួយឲ្យយើងរស់រានមានជីវិតមកដល់សព្វថ្ងៃនេះ ។
សកម្មភាពឃោសនាបោះឆ្នោត បានធ្វើឡើងនៅព្រឹកថ្ងៃសៅរ៍ទី២០ ខែឧសភា ឆ្នាំ២០១៧ ក្រោមការដឹកនាំក្បួនហែរដោយ ឯកឧត្តម សោម ស៊ុន សមាជិកអចិន្ត្រៃយ៍គណបក្សប្រជាជនកម្ពុជាខេត្ត ប្រធានក្រុមការងារចុះជួយឃុំបន្ទាយស្ទោង បានដឹកនាំសមាជិកគណបក្សប្រជាជនកម្ពុជា និងប្រជាពលរដ្ឋប្រមាណជិត១០០០នាក់ រថយន្តធំ១២គ្រឿង រថយន្តតូចចំនួន២២គ្រឿង ម៉ូតូចំនួន១៨៥ គ្រឿង និងប្រដាប់បំពងសម្លេងចំនួន ០៣គ្រឿង ដើម្បីចូលរួមដង្ហែរ ក្បួនអបអរសាទរថ្ងៃបើកយុទ្ធនាការឃោសនាបោះឆ្នោត ឃុំសង្កាត់ អណត្តិទី៤ ក្នុងចម្ងាយផ្លូវប្រវែង៦គីឡូម៉ែត្រ ដោយចេញដំណើរពីវគ្គបន្ទាយស្ទោងនៅវេលាម៉ោងង៩,១៥ នាទីព្រឹក និងបញ្ចប់នៅវេលាម៉ោង ១០,៤៥នាទី ។
ពិធីបើកយុទ្ធនាការឃោសនាបោះឆ្នោត របស់ឃុំបន្ទាយស្ទោង ប្រកបដោយសំលេងអើងកងលាន់រំពង ដោយសម្រែកបេ្តជា្ញចិត្ត គាំទ្រគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ជានាយករដ្ឋមន្រ្តី និងបន្តដឹកនាំប្រទេស ដើម្បីសន្តិភាព និងការអភិវឌ្ឍន៍ ប្រទេសជាតិ ដើម្បីឲ្យជីវភាពរស់នៅរបស់ប្រជាពលរដ្ឋ ល្អប្រសើរឡើងពីមួយឆ្នាំ បានធ្វើឲ្យរដ្ឋបាលឃុំសង្កាត់ កាន់តែមានលទ្ធភាពក្នុងការផ្តល់សេវាសាធារណៈ ការអភិវឌ្ឍន៍ហេដ្ឋារចនាសម្ព័ន្ធ នៅតាមមូលដ្ឋាន។
ដោយ ប៊ុន រដ្ឋា
