កំពង់ធំៈ ឯកឧត្តម សោម ស៊ុន សមាជិកអចិន្រ្តៃគណបក្សខេត្ត និងជាប្រធានក្រុមការងារបក្សចុះជួយឃុំបន្ទាយស្ទោង ស្រុកស្ទោង ខេត្តកំពង់ធំ បានចុះជួបប្រធានក្រុមបក្ស ដើម្បីពង្រឹង និងជំនួយស្មារតី នៃការខិតខំបំពេញតួនាទីភារកិច្ច បក្សនៅក្នុងឃុំបន្ទាយស្ទោង ស្រុកស្ទោង ខេត្តកំពង់ធំ ដើម្បីដណ្តើមយកជ័យជំនះ ក្នុងពេលបោះឆ្នោតនៅថ្ងៃអាទិត្យទី០៤ខែមិថុនា ឆ្នាំ២០១៧ ។
ប្រធានក្រុមការងារបក្ស និងសកម្មជន យុវជនភូមិបេង ឃុំបន្ទាយស្ទោង ស្រុកស្ទោង ខេត្តកំពង់ធំ ចំនួន ៣៥នាក់ បានប្តេជ្ញាចិត្ត ស្មោះត្រង់ជាមួយនឹងគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្សប្រជាជនកម្ពុជា និងខិតខំដឹកនាំសមាជិកបក្ស និងក្រុមគ្រួសារផ្ទាល់ខ្លួន ឲ្យយល់នឹងស៊ីជម្រៅនូវគុណបំណាច់របស់ គណបក្សប្រជាជនកម្ពុជា ហើយនឹងទៅបោះឆ្នោតជូនគណបក្សប្រជាជនកម្ពុជា ឲ្យបានគ្រប់ៗគ្នា ។
នៅល្ងាចថ្ងៃទី២៣ខែឧសភាឆ្នាំ២០១៧ ឯកឧត្តម សោម ស៊ុន ប្រធានក្រុមការងារចុះជួយឃុំបន្ទាយស្ទោង ស្រុកស្ទោង បានដឹកនាំសហការី ជួបជាមួយមេក្រុមការងារបក្ស និងសកម្មជនយុវជនប្រចាំភូមិបេង ឃុំបន្ទាយស្ទោង ស្រុកស្ទោង ចំនួន៣៥ នាក់ ដើម្បីធ្វើការការផ្សព្វផ្សាយអំពីគុណបំណាច់ធំធេងរបស់គណបក្សប្រជាជនកម្ពុជា ដែលបានលះ បង់សាច់ស្រស់ឈាមស្រស់រំដោះប្រជាជនកម្ពុជាយើងឲ្យរួចផុតពីរបបប្រល័យពូជសាសន៍ ប៉ុលពត និងអនុវត្តន៍គោលនយោបាយឈ្នះៗរបស់សម្តេចតេជោ ហ៊ុន សែន ដែលបានបញ្ចប់សង្គ្រាមនៅកម្ពុជា ធ្វើឲ្យប្រទេសជាតិមានសន្តិភាពនិងការអភិវឌ្ឍន៍ដូចសព្វថ្ងៃនេះ ។
ក្នុងឳកាសចុះជួបសកម្មជន និងយុវជន បក្ស ឃុំបន្ទាយស្ទោង បានឆ្លៀតឳកាសផ្សព្វផ្សាយពីគោលនយោបាយធំៗចំនួន១៣ចំណុចក្នុងការអភិវឌ្ឍន៍ឃុំសង្កាត់ និងបានពន្យល់បងប្អូន មានការយល់ដឹងពីរបៀបគូសសន្លឹកឆ្នោត និងការត្រៀមឯកសារផ្សេងៗ សម្រាប់ទៅបោះឆ្នោត បងប្អូនប្រធានក្រុមបក្ស និងសកម្មជនយុវជនទាំងអស់នៅក្នុងភូមិបេងបានប្តេជ្ញាចិត្ត តស៊ូរួមរស់ជាមួយនឹង គណបក្សប្រជាជនកម្ពុជា ដើម្បីដណ្ដើមយកជ័យជម្នះឲ្យបាន។
ដោយ ប៊ុន រដ្ឋា
