កំពង់ចាម: ផ្ទុះឈើប្រក់ស័ង្កសី១ខ្នង ដែលមានទំហំ៥x៩ម៉ែត្រ ត្រូវអគ្គីភ័យឆាបឆេះទាំងស្រុង ខណៈដែលម្ចាស់មិនបាននៅក្នុងផ្ទះ ដោយសង្ស័យថាមកពីទុស្សេខ្សែភ្លើង កាលពីវេលាម៉ោង១២និង២៥នាទី ថ្ងៃទី២៤ ខែឧសភា ឆ្នាំ២០១៧ នៅភូមិចុងថ្នល់ទី២ សង្កាត់បឹងកុក ក្រុងកំពង់ចាម។
សមត្ថកិច្ចបានឲ្យដឹងថា ម្ចាស់ផ្ទះដែលរងគ្រោះដោយករណីអគ្គីភ័យខាងលើ មានឈ្មោះ គឹម កង ភេទប្រុស អាយុ៤៤ឆ្នាំ ប្រពន្ធឈ្មោះហេង ចន្តា អាយុ៤២ឆ្នាំ មុខរបរស៊ីឈ្នួលសម្អាតអនាម័យ មានកូន៣នាក់ក្នុងបន្ទុក រស់នៅភូមិចុងថ្នល់ទី២ សង្កាត់បឹងកុក ក្រុងកំពង់ចាម។
សមត្ថកិច្ចបានបន្តថា ក្រោយពីមានករណីអគ្គីភ័យកើតឡើង កម្លាំងជំនាញបានបញ្ជូនរថយន្តពន្លត់អគ្គីភ័យចំនួន៣គ្រឿង (រថយន្តរបស់ស្នងការ២គ្រឿង និងរថយន្តរបស់ស្រុកកំពង់សៀម១គ្រឿង) ប្រើប្រាស់ទឹកអស់ចំនួន២រថយន្ត ដើម្បីអន្តរាគមន៍បាញ់ទឹកពន្លត់។
សូមបញ្ជាក់ថា ក្រុមគ្រួសារជនរងគ្រោះដោយករណីអគ្គីភ័យនេះ គឺក្រីក្រណាស់ ខណៈពេលកើតហេតុ ២នាក់ប្តី ប្រពន្ធ បានទៅស៊ីឈ្នួលសម្អាតអនាម័យនៅមន្ទីរពេទ្យ ដោយកូនៗក៏មិនបាននៅផ្ទះ ហើយភ្លើងបានឆាបឆេះចេញពីកន្លែងដាក់ទូរទស្សន៍ ដែល
សង្ស័យថាបណ្ដាលមកពីទុស្សេចរន្តអគ្គិសនី ទើបបង្កជាអគ្គីភ័យឆាបឆេះឡើងតែម្ដង ៕
