កំពង់ធំៈ ប្រធានក្រុមបក្ស និងសកម្មជន យុវ្ធជនបក្ស ចំនួន១០៥ នាក់ ដែលបានអញ្ជើញមកពីភូមិចំនួនបី ឃុំបន្ទាយស្ទោង ស្រុកស្ទោង ខេត្តកំពង់ធំ បានប្តេជ្ញាចិត្ត ដឹកនាំសមាជិកក្រុមគ្រួសារ ទៅបោះឆ្នោត ជូនគណបក្សប្រជាជនកម្ពុជា និងគាំទ្រសម្តេចតេជោ ហ៊ុន សែន ឲ្យបន្តធ្វើជានាយករដ្ឋមន្រ្តីនៃអណត្តិទី៤ ដើម្បីថែរក្សាសមិទ្ធផលសន្តិភាពឲ្យបានយូរអង្វែង ស្របតាមគោលនយោបាយអភិវឌ្ឍន៍ឃុំ សង្កាត់ ឲ្យប្រទេសជាតិស្ថិតក្នុងភាពរុងរឿងនិងរីកចម្រើន ។
ប្រជាពលរដ្ឋដែលជាសមាជិកគណបក្សប្រជាជនកម្ពុជា បានពោលពាក្យសោកស្តាយ ជីវិតប្រជាជលរដ្ឋខ្មែរដែលបានស្លាប់ក្នុងរបបបនក្បត់ប្រល័យពូជសាសន៍ ប៉ុលពត ក្នុងរយះពេលកាន់អំណាច បានកាប់សំលាប់ប្រជាស្លូតត្រង់ អស់ជាង៣លាននាក់ គឺដោយសារតែការជ្រើសរើសមេដឹកនាំខុស បានធ្វើឲ្យប្រទេសជាតិមានសង្រ្គាមការបែកបាក់ ហើយប្រជាពលរដ្ឋខ្មែរស្លូតត្រង់ជាង ៣លាននាក់ ដែលបានស្លាប់ គឺគ្មានឳកាសបានឃើញសន្តិភាពដូចថ្ងៃនេះនោះទេ តែវាជាសំណាងល្អរបស់បងប្អូនដែលរួចផុតពីសេចក្តីស្លាប់ ដោយសារគុណបំណាច់ដ៏ធំធេងរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស បានរំដោះប្រជាជនឲ្យរស់រានមានជីវិតសារជាថ្មី និងមានសន្តិភាពរហូតមកដល់សព្វថ្ងៃនេះ ដូច្នេះយើងទាំងអស់គ្នាត្រូវតែរួមគ្នាថែរក្សាសន្តិភាពបន្តទៀត។
ឯកឧត្តម សោម ស៊ុន សមាជិកអចិន្រ្តៃបក្សខេត្ត និងជាប្រធានក្រុមការងារចុះជួយឃុំបន្ទាយស្ទោង ស្រុកស្ទោង ខេត្តកំពង់ធំ បានបន្តជួបជាមួយប្រធានក្រុមបក្សនិងសកម្មជនយុវជនភូមិរបស់គណបក្សប្រជាជន ដែលបានអញ្ជើញមកពីភូមិចំនួនបី មកពីភូមិ កុកគ្រួសចំនួន ៣៧ នាក់ ភូមិគោកសណ្តែក ចំនួន២៥ នាក់ និងភូមិឈើទាល ចំនួន ៤៣ នាក់ សារុប១០៥ នាក់នៅព្រឹកថ្ងៃអាទិត្យទី២៨ខែឧសភា ឆ្នាំ២០១៧។
ឯកឧត្តម សោម ស៊ុន ជាប្រធានក្រុមការងារចុះជួយឃុំបន្ទាយស្ទោង បានមានប្រសាន៍ណែនាំ រំលឹកការចងចាំក្រុមការងារបក្ស ពីរបៀបគូសសន្លឹកឆ្នោតបោះបានការ និងបានផ្តាំផ្ញើរដល់បងប្អូនប្រធានក្រុមបក្ស ណែនាំបន្តដល់សមាជិកក្រុមគ្រួសារ ដែលមានឈ្មោះបោះឆ្នោត ខណៈពេលដែលទៅប្រើប្រាស់សិទ្ធបោះឆ្នោត ដោយហាមមិនឲ្យផឹកជាតិស្រវឹង ពាក់អាវបក្ស និងខោអាវប្រដាប់អាវុធ និងសូមភ្ជាប់នូវអត្តសញ្ញាណប័ណ្ណ និងលិខិតបញ្ជាក់ពីភូមិឃុំ ដើម្បីមានសិទ្ធបោះឆ្នោត ដើម្បីចៀសវាងខូចសំលេងឆ្នោត ។
ដោយ ប៊ុន រដ្ឋា
