កំពង់ធំៈ កិច្ចប្រជុំដកស្រង់បទពិសោធន៍ និងពង្រឹងការងារបក្សឃុំបន្ទាយស្ទោង និងលើកទឹកចិត្តដល់ក្រុមការងារបក្សឃុំបន្ទាយស្ទោង ស្រុកស្ទោង ខេត្តកំពង់ធំ ដើម្បីរកចំនុចខ្លាំង ចំនុចខ្សោយក្នុងដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ និងផ្សព្វផ្សាយសេចក្តីណែនាំលេខ០០១/១៧ ស្តីពីកិច្ចការជាអទិភាព មួយចំនួនចំពោះមុខ របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ។
ពិធីជួបជុំសំណេះសំណាល បានធ្វើឡើងនៅព្រឹកថ្ងៃទី១៧ ខែមិថុនា ឆ្នាំ ២០១៧ ដោយមានចូលរួមសកម្មជន យុវជន គណបក្សប្រជាជន ឃុំបន្ទាយស្ទោងក្រោមអធិបតីភាព ឯកឧត្តម សោម ស៊ុន សមាជិកអចិន្រ្តៃគណបក្សខេត្តកំពង់ធំ និងសមាជិកចូលរួមជិតមួយ១០០នាក់ ស្ថិតនៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំៈ នៅក្នុងឳកាសនៃពិធីបាន ពិសាបាយសាមគ្គីដើម្បីបង្កើនភាពជិតស្និទ្ធនិងរួមគ្នាបន្តដំណើរឆ្ពោះទៅ រកភាពជោគជ័យនៅឆ្នាំ ២០១៨។
ឯកឧត្តម សោម ស៊ុន សមាជិកអចិន្រ្តៃគណបក្សខេត្តកំពង់ធំ បានណែនាំនិងសំណូមពរ ឲ្យសកម្មជនបក្សទាំង អស់ កុំបីមានការអាក់អន់ស្រពោនចិត្តថ្នាំងថ្នាក់គ្នា និងរួមសាមគ្គីគ្នាបន្ត ចាប់ដៃគ្នាកសាងអភិវឌ្ឍន៍សង្គម អភិវឌ្ឍន៍ ភូមិឃុំបន្តទៀត ក្នុងនោះត្រូវមានការណែនាំ ពន្យល់ប្រជាពលរដ្ឋពីការឃោសនា បោកបញ្ឆោតរបស់គណបក្សដ៏ទៃ ដែលបានដើរសន្យាភូតភរកុហក់ ដល់ប្រជាពលរដ្ឋ នូវប្រធានបទឃោសនា ទី១ ដូចជាសន្យាលុបចោលបំណុល ទី២ ការសន្យាទាមទារដីរបស់ក្រុមហ៊ុនឲ្យប្រជាពលរដ្ឋវិញ ទី៣ គឺការសន្យាថាបើបានធ្វើមេឃុំនិងជូនប្រាក់៥០ម៉ឺនដុល្លាក្នុងមួយឃុំមួយឆ្នាំ សម្រាប់ការអភិវឌ្ឍន៍ឃុំ ហើយបញ្ជាក់ថាការបោះឆ្នោតកន្លងទៅនេះ គឺបោះឆ្នោតក្រុមប្រឹក្សាឃុំសង្កាត់ មិនមែនបោះឆ្នោតជ្រើសរើសនាយករដ្ឋមន្រ្តីនោះឡើយ ហើយការសន្យានេះ១០ឆ្នាំខាងមុខទៀត ក៏មិនបានដែរ។
ឯកឧត្តម សោម ស៊ុន សមាជិកអចិន្រ្តៃគណបក្សខេត្តកំពង់ធំ បានធ្វើការផ្សព្វផ្សាយ សេចក្តីណែនាំ របស់សម្តេចតេជោ ហ៊ុន សែន គណបក្សប្រជាជននៅតែបន្តគ្រប់គ្រងតំណែងមេឃុំ ចៅសង្កាត់ចំនួនជាង ១១៥០ ស្មើរនឹង៣០% គឺជាភាពជោគ ជ័យមិនអាចប្រកែកបានសម្រាប់គណបក្សប្រជាជនកម្ពុជា ហើយនិងបន្តដឹកនាំស្ថាប័នព្រឹទ្ធសភា នៃព្រះរាជាណាចក្រកម្ពុជា ដែលមហិច្ចតាគណបក្សដ៏ទៃប៉ងប្រាថ្នាដណ្តើមយកស្ថាប័នព្រឹទ្ធាសភា ដើម្បីធ្វើជាប្រធានព្រឹទ្ធសភា និងប្រមុខរដ្ឋស្តីទី តែត្រូវបានបំផ្លាញចោលទាំងស្រុងនូវមហិច្ចតានយោបាយដ៏រវើរវាយ ដែលអំនួតនិងបរាជ័យយ៉ាងដំណំ និងត្រូវបានធ្វើការផ្សព្វផ្សាយសេចក្តីណែនាំ និងជ័យជំម្នះដ៏ត្រចះត្រចង់របស់ គណបក្សប្រជាជនកម្ពុជា ក្នុងការបោះឆ្នោតឆ្នាំ ២០១៧ និងលើកទឹកចិត្តជម្រុញឲ្យបង្កើនសន្ទុះ នៃការគាំទ្រគណបក្សឆ្ពោះទៅកាន់ការបោះឆ្នោតឆ្នាំ ២០១៨ ខាងមុខឲ្យទទួលបានជោគជ័យកាន់តែធំធេង និងជម្រុញឲ្យចុះមូលដ្ឋាន ជាពិសេសពង្រឹងរក្សាគុណភាពគ្រួសារបក្សនៅតាមភូមិ ជម្រុញការពង្រីកសមាជិក ជាពិសេសក្នុងចំណោមយុវជន ពង្រឹងសាមគ្គីភាព និងឯកភាពផ្ទៃក្នុងឲ្យបានរ៉ឹងមាំ និងល្អប្រសើរជាពិសេសនៅតាមមូលដ្ឋាន សំដៅធានារក្សាបាននូវកំម្លាំងស្នូល និងកម្លាំង របស់គណបក្សនៅមូលដ្ឋាន ។
ដោយ ប៊ុន រដ្ឋា
