ខេត្តសៀមរាប៖គំនរសំរាមដែលនៅជិតបរិវេណព្រះអង្គចេក ព្រះអង្គចម ត្រូវបានរិះគន់យ៉ាងខ្លាំងពីភ្ញៀវទេសចរណ៍ទៅលើអាជ្ញាធរខេត្ត និងមន្ត្រីពាក់ពន្ធ័ថាគ្មានចំណាត់ការក្នុងការប្រមូលសំរាម ទុកអោយជះក្លិនស្អុយខណះភ្ញៀវជាតិនិងអន្តរជាតិមកបន់ស្រន់សុំសេចក្តីសុខ។
បើតាមសំដី ប្រជាពលរដ្ឋថា មិនដែលឃើញក្រុមហ៊ុន(Ga ea) ដឹកសំរាម មកយកសំរាមអោយទាន់ពេលវេលាម្តងណាសោះ គឺមកពីខាងអាជ្ញាធរ ខេត្ត/ក្រុង គ្មានចំណាត់ការ មិនយកចិត្តទុក្ខដាក់ទៅ លើបរិស្ថាននិងអនាម័យ ទើបធ្វើអោយបរិវេណព្រះអង្គចេក ព្រះអង្គចម មានសំរាមគរដូចភ្នំ ។ ព្រោះកន្លែងសំខាន់មួយនេះមានភ្ញៀវជាតិនិងអន្តរជាតិ ដែលចូលមកអុចធូបមិនតិចជាង១០០នាក់នោះទេក្នុង១ថ្ងៃៗ ហើយចំណូលដែលបានពីកន្លែងនេះ ក៏មិនតិចដែរ តើថវិការទាំងនោះគេយកទៅឯណា បានជាអ្នកគ្រប់គ្រងកន្លែងនេះមិនដាក់ធុងសំរាមឱ្យបានច្រើន ប្រហែលថវិការទាំងនោះនាំគ្នាយកដាក់ហោប៉ាវ រៀងៗខ្លួនហើយមើលទៅ បានជាទុកសំរាមគរដូចភ្នំយ៉ាងដូច្នេះ។
លោក សូ ប្លាតុង អភិបាលក្រុងសៀមរាប បានមានប្រសាសន៍ ថា ចំពោះរឿងសំរាម នៅជុំវិញ បរិវេន ព្រះអង្គចេក ព្រះអង្គចម នោះ មិនទាក់ទង និងសាលាក្រុងទេ ព្រោះក្រុមហ៊ុន(Ga ea) ដឹកសំរាម គាត់បានធ្វើកិច្ចសន្យាម៉ៅការប្រមូលផ្តាច់មុខជាមួយ គណៈកម្មាធិការ ដែលមើលថែរក្សានៅព្រះអង្គចេក ព្រះអង្គចម នោះហើយ ព្រោះបង់លុយឱ្យខាងក្រុមហ៊ុនសំរាម គឺខាងគណៈកម្មាធិការជាអ្នកចាត់ចែង។ លោកបានបន្តថា លោកបានប្រាប់ម្តងទៀត បើនៅតែមិនស្តាប់ លោកនឹងធ្វើការផាកពិន័យទៅតាមកិច្ចសន្យា៕ រិទ្ធី
