កំពង់ធំ៖ឯកឧត្តម សុខ លូ អភិបាលខេត្តកំពង់ធំ បានក្រើនរំលឹកដល់មន្រ្តីនៃស្ថាប័នរដ្ឋបាលជលផល កំពង់ធំឲ្យយកចិត្តទុកដាក់ បង្រ្កាបបទល្មើសជលផលខុសច្បាប់ តែឲ្យមានការបន្ធូរបន្ថយនិងយោគយល់ដល់ ប្រជាពលរដ្ឋដែលនេសាទជាលក្ខណៈគ្រួសារ ហើយក៏មិនមែនទុកឳកាសឲ្យឈ្មួញប្រើប្រាស់បទល្មើសទាំងនេះដែរ ប្រសាសន៍នេះ ត្រូវបានថ្លែងក្នុងពិធីលែងកូនត្រីរបស់ខណ្ឌរដ្ឋបាលជលផលខេត្តកំពង់ធំ កាលពីព្រឹកថ្ងៃទី១៩ ខែកក្កដា ឆ្នាំ២០១៧។
កូនត្រីប្រមាណ៨ម៉ឺនក្បាល ដែលជាប្រភេទកូនត្រីចម្រុះ ត្រូវបានព្រលែងចូលក្នុងបឹងទំនប់អូរម្កាក់ គឺជាបឹងធម្មជាតិរបស់សហគមន៍ ភូមិត្រពាំឬស្សី ឃុំត្រពាំឬស្សី ស្រុកកំពង់ស្វាយ ខេត្តកំពង់ធំ ដែលជាប្រភេទ ត្រី ឆ្ពិនត្រីកាហែ ត្រីកន្ធរ បានព្រលែងចូលទៅក្នុងបឹងធម្មជាតិវិញ ដើម្បីឱ្យសម្បូរត្រីសម្រាបបំរើសេចក្តីត្រូវការរបស់ប្រជាពលរដ្ឋ ក្នុងសហគមន៍។
ក្នុងនោះដែរក៏មានការសំណូមពរពីសំណាក់ប្រជាពលរដ្ឋ សុំឲ្យ ឯកឧត្តម សុខ លូ អភិបាលខេត្ត និងលោក ប៉ែន វណ្ណរិទ្ធ នាយខណ្ទរដ្ឋបាល ជលផលកំពង់ធំ មេត្តាជួយរឹតបន្តឹងការអនុវត្តច្បាប់របស់ សមត្ថកិច្ចខណ្ទរដ្ឋបាលជលផល ឲ្យធ្វើការ បង្រ្កាបបទល្មើសដាក់ បរ ដាក់ដៃ នៅតាមមាត់ទន្លេចាប់ពីភូមិបាឡត ដល់ភូមិពាមបាង ដោយសារតែ ចំនុចនេះត្រូវបានប្រទះឃើញមានការដាក់បទល្មើស រាប់រយកន្លែង និងរាប់ពាន់មែត្រនៅតាមដើមរាំងទឹក ហើយខណៈនេះ ក៏កំពុងតែរីករាលដាល់ពេញឃុំពាមបាង ស្រុកស្ទោង ខេត្តកំពង់ធំ ។
ឯឧត្តម សុខ លូ អភិបាលខេត្តកំពង់ធំ បានធ្វើការផ្តាំផ្ញើរដល់ ប្រជាពលរដ្ឋដែលរស់នៅក្នុងសហគមន៍ នេសាទទាំងអស់ ក្នុងរដូវបិទនេសាទនេះគឺសុំឲ្យប្រើប្រាស់ឧបករណ៍ដែលច្បាប់ ត្រូវបានអនុញ្ញាតិ ហាចដាច់ខាតប្រើប្រាស់ឧបករណ៍ល្មើសច្បាប់ គឺជាការចូលរួមថែរក្សាធនធានមឆ្ឆាជាតិ គឺក្នុងគោលបំណង ដើម្បីបង្កើនផលត្រី ឲ្យកាន់តែច្រើន ព្រោះបច្ចុប្បន្ននេះ ចំនួនមនុស្សមានកាកើនឡើង ដូច្នេះមនុស្សត្រូវតែចិញ្ចឹមត្រីវិញ ទើបអាចមានស្បៀងអាហារ សម្រាប់ចិញ្ចឹមមនុស្សលោកវិញ។
ដោយ ប៊ុន រដ្ឋា
