កំពង់ធំៈ មេឃកំពុងភ្លៀង តែដំណើរនៃការចុះសួរសុខទុក្ខ ដល់ក្រុមគ្រួសារអតីតយុទ្ធជនពលី កំពុងរងចាំ មើលផ្លូវ ទើបឯកឧត្តម ឧត្តមសេនីយ៍ត្រី សោម ស៊ុន បានដឹកនាំសហការី ចុះដល់មូលដ្ឋានរបស់គ្រួសារអតីតយុទ្ធជន ដើម្បីជួយចែករំលែកនូវភាពខ្វះខាត និងដើម្បីផ្តល់នូវកំលាំងចិត្តគ្រួសារយោធិន ។
លោកស្រី ខៀវសុណ្ណារ៉ា អាយុ ៥២ឆ្នាំ ជាគ្រួសារយុទ្ធជនពលី ឈ្មោះ ម៉ក់ ភិរម្យ អតីតនៅអង្គភាពចាស់វរសេនាតូចលេខ១៥ ជើងទឹក ហើយបានពលីជីវិតដោយជម្ងឺគ្រុនចាញ់ក្នុងសមរភូមិ ក្នុងអំឡុងឆ្នាំ១៩៩៦ បានមរណៈភាព បន្សល់កូនមួយនាក់ បច្ចុប្បន្នអ្នកស្រី ប្រកបមុខរបរធ្វើនុំដើរលក់ សម្រាប់ចិញ្ចឹមជិវិត តែអ្វីដែលចាប់អារម្មណ៍នោះ គឺគ្រួសារនេះ កំពុងរស់នៅក្នុងខ្ទមកំសត់ មានជីវភាពខ្វះខាត ពុំទាន់មាន លទ្ធភាពសាងសង់លំនៅដ្ឋានបានសមរម្យនោះឡើយ។
នៅក្នុងឳកាសចុះសួរសុខទុក្ខ របស់ឯកឧត្តម ឧត្តមសេនីយ៍ត្រី សោម ស៊ុន ប្រធានសមាគមន៍អតីតយុទ្ធជន បានផ្តល់ជូន លោកស្រី ខៀវសុណ្ណារ៉ា មាន អង្ករចំនួន៥០គីឡូក្រាម មីយើងមួយកេស ទឹកត្រីទឹកស៊ីអ៊ីវមួយយួរ ត្រីខ មួយយួរ និងថវិកាចំនួន ៥០.០០០ ៛ ស្ថិតនៅ ភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ នៅល្ងាចថ្ងៃទី០១ខែសីហា ឆ្នាំ២០១៧។
លោកតាអៀន ហេង អាយុ៧៦ ឆ្នាំ ដែលត្រូវជាឪពុកលោកស្រី ខៀវ សុណ្ណារ៉ា សូមគោរពថ្លែងអំណរគុណ សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងជានាយករដ្ឋមន្រ្តីនៃព្រះរាជា ណាចក្រកម្ពុជា ដែលជានិច្ចជាកាល តែងតែយកចិត្តទុកដាក់លើប្រជាពលរដ្ឋ គ្រប់ទិសទី ទីណាមានទុក្ខលំបាក ទីនោះមានសម្តេច ជួយដោយមិនរើសរអើង ដូច្នេះមានតែសម្តេចទេ ដែលបានផ្ដល់អាយុជីវិតទី២ ដល់គាត់ ហើយបានបន្តជួយដោះស្រាយជីវភាពលំបាកខ្វះខាតដល់ក្រុមគ្រួសារគាត់ថែមទៀត ក្រុមគ្រួសារគាត់សូមបន្តគាំទ្រសម្តេចតេជោ ហ៊ុន សែន ជារៀងរហូតលុះអវសានជីវិត ។
ឯកឧត្តម ឧត្តមសេនីយ៍ត្រី សោម ស៊ុន បានផ្តាំផ្ញើរដល់គ្រួសារអតីតយុទ្ធជនពលី ឲ្យថែរក្សាសុខភាព បរិភោគអាហារមានអនាម័យ ប្រុងប្រយ័ត្នការពារជំងឺឆ្លងតាមទឹកជំនន់ អាចធ្វើឲ្យមានការរាករូស និងសូមឲ្យដាស់តឿនកូនចៅឲ្យប្រព្រឹត្តទង្វើល្អ ចៀសអោយឆ្ងាយពីគ្រឿងញៀន ។
ដោយ ប៊ុន រដ្ឋា
