កំពង់ធំៈ ជីវិតឥតទ្រនំ របស់ក្មេងស្រីពិការអភ័ព២នាក់បងប្អូន តើជាព្រហ្មលិខិតឬជាទណ្ទកម្ម បានធ្វើឲ្យក្មេងស្រីនាក់បងប្អូនពុំដែលមានសេចក្តីសុខម្តងណាឡើយ ជីវិតជួបតែភាពរងាឯកកោកគ្មានមេបា តម្រូវឲ្យបែកបាក់ព្រាត់ស្លាប់តាំងពីក្មេងស្រី២នាក់បងប្អូននេះនៅតូចៗម្លេះ ដោយឳពុក ម្តាយ ជីដូនបានស្លាប់ជាបន្ត បន្ទាប់បានបន្សល់ឲ្យក្មេងស្រី២នាក់នេះ ម្នាក់ពិការដើរពុំរួចម្នាក់់ជាបងត្រូវទទួលភារកិច្ចទទួលខុសត្រូវមើលថែប្អូន។
ដោយការអាណិតអាសូរបស់ លោក ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករង កំពង់ធំ បានជ្រាបនូវព័ត៌មានដ៏សង្វែកនេះ ក៏បានដឹកនាំសហការី នាំយកស្បៀងអាហារមកចែកជូនដល់ ក្មេងស្រី២នាក់បងប្អូន ទាំងដំណក់ទឹកភ្លៀងកំពុងតែធ្លាក់ចុះ ដោយក្តីអាណិតអាសូរដល់ជីវិតកុមារកំព្រាពីរនាក់ ដែលបច្ចុប្បន្នកំពុងរស់នៅភូមិត្រពាំងជ្រូក ឃុំសំបូរ ស្រុកប្រាសាទសំបូរ ខេត្តកំពង់ធំ នៅព្រឹកថ្ងៃទី១៨ខែសីហាឆ្នាំ២០១៧ ។
ឧត្តមសេនីយ៍ត្រី សោម ស៊ុន បានឲ្យដឹងថា ក្រោយពីបានទទួលដំណឹងថា មានក្មេងស្រីអភ័ព២នាក់ ជាក្មេងកំព្រា ម្តាយ ឈ្មោះ ចាន់ ណាត មានជំងឺហើយទទួលមរណភាពចោលក្មួយស្រីកំព្រាទាំងពីរនៅឆ្នាំ២០១២ នៅភូមិ ឡែម ជាប់ព្រំដែនថៃ ក្រោយម្ដាយស្លាប់ចោលក្មួយស្រីទាំងពីរ បន្តររស់នៅជាមួយជីដូនចាស់ជរាខាងម្តាយ ហើយក្រោយមកជីដូនចាស់ជរាដែលរស់នៅភូមិឡែមនេះបានទទួលមរណភាពចោលចៅស្រីទាំងពីរទៀត មកដល់ពេលនេះទឹកភ្នែកក្រុមការងារ បានបន្តស្រក់ប្រជែងនិងដំណក់ទឹកភ្លៀង ក្រោយទទួលបានដំណឹងនេះ លោកយាយខាងឪពុកឈ្មោះ ខាត់ ចាន់ អាយុ ៨២ឆ្នំា បានទៅយកចៅស្រីកំព្រាទាំងពីរ មកចិញ្ចឹមបីបាច់នៅភូមិ ត្រពាំងជ្រូក ឃុំសំបូរ ស្រុកប្រាសាទសំបូរ ខេត្តកំពង់ធំ ដល់បច្ចុប្បន្ននេះ ។
ឧត្តមសេនីយ៍ត្រី សោម ស៊ុន បានបន្តថា ក្មួយស្រីជាបង ឈ្មោះ ឆាន ម៉ាណែត អាយុ១២ ឆ្នំា ទៅរៀនសូត្រដល់ថ្នាក់ទី៤ និងក្មួយស្រីជាប្អូន ឈ្មោះ ឆាន ម៉ានុត អាយុ៨ឆ្នំា ជាអកុសលបានក្លាយជាជនពិការស្វិតនិងទន់ជើងតាំងពីកំណើតមិនអាចដើរបាន ព្រហ្មលិខិតពិតជាគ្មានមេត្តាបានដាក់ទណ្ឌកម្មបន្ថែមទៀត ក្រោយពេលក្មួយស្រីកើតមកមិនបានទាំងស្គាល់មុខឪពុកផង មានឪពុកឈ្មោះ ឈា ឆាន ត្រូវបានជាប់ពន្ធនាគារនៅប្រទេសថៃរហូតដល់បច្ចុប្បន្នរយៈពេលជាង៨ឆ្នាំហើយបាត់ដំណឹងសូន្យឈឹងមិនដឹងថាស្លាប់ឬរស់នៅទេ។
ក្នុងឱកាសសំណេះសំណាលសាកសួរសុខទុក្ខនេះ ឯកឧត្តមេបញ្ជាការ និងក្រុមការងារបានឧបត្ថម្ភជូនលោកយាយ និងក្មួយស្រីទាំងពីរនូវ អង្ករចំនួន៥០គីឡូក្រាម មីមា៉មា៉ចំនួន០២កេស ទឹកត្រីទឹកស៊ីអ៊ីវពីរយួរ និងថវិកាចំនួន ១៥០.០០០៛ តែដោយសារក្មួយស្រីជាជនពិការ ពុំអាចជួយខ្លួនឯងបាន ក៏គេបានតសំយ៉ាបជម្រុកស្រូវរសើនៅ២នាក់បងប្អូន ក្រោមជញ្ជាំងធ្លុះធ្លាយគ្មាន ដ៏សែនអាណោចអាធ័ម។
ដោយ ប៊ុន រដ្ឋា
