កំពង់ធំៈ បន្ទាប់ពីគិលានដ្ឋាន ត្រូវបានសាងសង់ចប់សព្វគ្រប់ ឯកឧត្តម ឧត្តមសេនីយ៍ត្រី សោម ស៊ុន បាន ចាប់ផ្តើមសាងសង់ផ្លូវលំមួយខ្សែ ក្រាលគ្រួសក្រហម ដែលមានប្រវែង១២០ម និងបានរៀបចំប្រព័ន្ឋលូបង្ហូរទឹកសងខាងផ្លូវ ឆ្ពោះទៅកាន់គិលានដ្ឋាន ដែលទើបតែបញ្ចប់នៃការសាងសង់ ហើយគ្រោងនឹងសម្ពោធន៍ដាក់ឲ្យប្រើប្រាស់ជាផ្លូវការនាពេលខាងមុខនេះ ។
ផ្លូវលំមួយខ្សែក្រាលគ្រួសក្រហម ដែលមានទទឹងប្រវែង៩,៦០ និងបណ្តោយប្រវែង១២០ម៉ែត្រ ហើយនិងជីកប្រឡាយបន្ថែមដើម្បីរំដោះទឹកប្រវែង៨៥ ម៉ែត្រទៀត ត្រូវបានបើកការដ្ឋានសាងសង់ នៅល្ងាចថ្ងៃទី២៧ ខែ សីហា ឆ្នាំ ២០១៧ ក្រោមជំនួយឧបត្ថម្ភរបស់លោកអនុសេនីយ៍ ឆេង បូរ៉ា នាយទាហាននៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ កោតសរសើរ លោក ឆេង បូរ៉ា និង ក្រុមគ្រួសារ ដែលបានចូលរួមចំណែកក្នុងវិស័យការពារជាតិ កសាងសមិទ្ធផលនានាក្នុងទីបញ្ជាការដ្ឋានតំបន់ប្រតិបត្តិការសឹករងកំពង់ធំ ដូចជា ដាក់ប្រព័ន្ធលូទឹក និងជីកប្រឡាយរំដោះទឹក ដែលត្រូវបានចំណាយថវិកានៃកាសាសង់ អស់ទឹកប្រាក់ប្រមាណ ១.៥០០ $ អង្គភាពតំបន់ប្រតិបត្តិការសឹករងកំពង់ធំ មានភាពចម្រើន ក៏ដោយសារ មានការចូលរួមពីណាក់សម្បុរជន ទាំងក្នុង និងក្រៅប្រទេសបានធ្វើឲ្យមានសំណង់អាគារនិងហេដ្ឋារចនាសម្ព័ន្ធផ្សេងៗទាំងនេះ។
ឯកឧត្តម សោម ស៊ុន បានមានប្រសាសន៍ថា ការចូលរួមចំណែក កសាងសមិទ្ធិផល ក្នុងវិស័យការពារជាតិ គឺជាគំរូមួយដ៏ល្អ សម្រាប់យុទ្ធជនជំនាន់ក្រោយៗទៀត ក្នុងការចូលរូមចំនែក កសាងហេដ្ឋារចនាសម្ព័ន្ឋ ដើម្បីឲ្យភាពរីកចម្រើន ក្នុងកិច្ចការពារជាតិមាតុភូមិ ដែលជាមូលដ្ឋាគ្រិះដ៏រ៉ឹងមាំ សម្រាប់យុវជនជំនាន់ក្រោយយកតំម្រាប់តាម ។
ដោយ ប៊ុន រដ្ឋា
