pai Len:
ត្បូងឃ្មុំ: គម្រោងមូលនិធិឃុំ-សង្កាត់ ក្នុងការជួសជុល និងសាងសង់ផ្លូវលំ របស់គណៈកម្មការជាតិសម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ ដែលបានដាក់ឲ្យដេញថ្លៃផ្លូវចំនួន៤គម្រោង កាលពីព្រឹកថ្ងៃទី២៩ ខែសីហា ឆ្នាំ២០១៧ នៅសាលាស្រុកត្បូងឃ្មុំ ខេត្តត្បូងឃ្មុំ ត្រូវបានដំណើរការទៅដោយរលូន និងនៅសល់ថវិកាច្រើន ព្រោះការចរចារបស់អ្នកទទួលការមិនត្រូវរ៉ូវគ្នា ដោយមានកម្លាំងនគរបាលការពារសន្តិសុខទៀតផង។
លោក ម៉ា ប៊ុនហេង គណៈកម្មាការលទ្ធិកម្មបានឲ្យដឹងថា គម្រោងដែលបានដាក់ឲ្យដេញថ្លៃក្នុងពេលនេះ គឺមានចំនួន០៤ឃុំ ក្នុងនោះមានឃុំស្រឡប់ ឃុំអញ្ចើម ឃុំថ្មពេជ្រ និងឃុំជប់ ដោយលោកបានស្នើឲ្យអ្នកទទួលការទាំងអស់ ត្រូវរក្សាសណ្តាប់ធ្នាប់កុំឲ្យមានភាពរញ៉េញៃ ឬការឃុបឃិតគ្នាពុករលួយយកលុយទឹកតែចែកគ្នា ហើយការអនុវត្តន៍គម្រោងមិនសមស្របតាមបទដ្នាន ដែលមានចែងក្នុងលក្ខ័ខណ្ឌដោយគ្មានគុណភាពល្អសម្រាប់ការសាងសង់ផ្លូវ។
ដោយកន្លងមកការដេញថ្លៃគម្រោងនៅតាមឃុំស្រុកនានា ក្នុងខេត្តត្បូងឃ្មុំតែងតែមានការចរចារគ្នា ដើម្បីទាញយកលុយគម្រោងយ៉ាងក្រាស់ក្រែល មកចែកគ្នាដែលជាអំពើពុករលួយ ដោយគ្រាន់តែដាក់សំណើរអម គឺដាក់ប៊ិតតែ៣ដើម្បីឲ្យគ្រប់លក្ខខណ្ឌតែប៉ុណ្ណោះ និងមានភាពរញ៉េញ៉ៃធ្វើឲ្យអាជ្ងាធរឈឹក្បាលវិលមុខដោយសារអ្នកមកចាំយកលុយទឹកតែ ដែលមិនមែនជាម្ចាស់គម្រោងដេញថ្លៃផងដែរ។
ជាក់ស្តែកនៅព្រឹកថ្ងៃទី២៩ ខែសីហានេះ ការដេញថ្លៃគម្រោងនៅសាលាស្រុកត្បូងឃ្មុំ បានធ្វើឲ្យអ្នកដែលតែងតែចាំយកលុយទឹកតែមានការខកចិត្ត ព្រោះគណៈកម្មការម្ចាស់លទ្ធិកម្ម ថ្នាក់ក្រោមជាតិ អាជ្ងាធរ បានរៀបចំសណ្តាប់ធ្នាប់យ៉ាងល្អ ដោយមានកម្លាំងសមត្ថកិច្ចនគរបាល មកការពារសន្តិសុខក្នុងពេលកំពុងដេញថ្លៃ ដើម្បីឲ្យការដេញថ្លៃប្រព្រឹត្តទៅបានយ៉ាងរលូន និងមានតម្លាភាពស្របតាមច្បាប់នៃការដេញថ្លៃ។
បន្ទាប់ពីបានប្រកាសសំណើរដេញថ្លៃគម្រោងទាំង៤ឃុំ ក្នុងស្រុកត្បូងឃ្មុំ ត្រូវបានគេមើលឃើញថា មានការចុះថ្លៃទាបបំផុតហួសពីការស្មាន ដែលធ្វើឲ្យសល់ថវិកាច្រើន ដើម្បីយកទៅអភិវឌ្ឍន៍គម្រោងផ្សេងៗក្នុងមូលដ្នានបន្ថែមទៀត ៕
