កំពង់ធំៈ ឧត្តមេនីយ៍ត្រី សោម ស៊ុន កោះប្រជុំមេបញ្ជាការង នាយទាហាន គ្រប់បណ្តាអង្គភាពវេរសេនាតូច មេបញ្ជាការផ្នែកសឹករងក្រុងស្រុកទាំងប្រាំបី ចូលរួមប្រជុំស្តីពីសភាពការណ៍វិវត្តន៍ថ្មីៗក្នុងប្រទេស និង ផ្សព្វផ្សាយសេចក្តីថ្លែងការរបស់រាជរដ្ឋាភិបាល ក្នុងការចាប់ខ្លួនជនក្បត់ជាតិ ដែលមានបំណងផ្តួលរំលំ រដ្ឋាភិបាលស្របច្បាប់ នៅព្រឹកថ្ងៃទី១៤ខែកញ្ញាឆ្នាំ២០១៧។
ពីធីនេះបានធ្វើឡើង នៅសាលប្រជុំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងគោលបំណប្រគល់ភារកិច្ចការងារសំខាន់ៗចាំបាច់មួយចំនួនដែលត្រូវអនុវត្តន៍និងដាក់ចេញនូផែនការសំខាន់ៗចាំបាច់មួយចំនួន៤ចំនុច ក្តាប់ ក្តោប ត្រៀម អនុវត្ត ដែលពិធីនេះ ស្ថិតក្រោមអធិបតីភាព ឯកឧត្ដមឧត្ដមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ។
បន្ទាប់ពីអស់លោកដែលជាមេបញ្ជាការអង្គភាព និងស្ថាប័នពាក់ព័ន្ធមួយចំនួនឡើងរាយការណ៍រួចមក ឯឧឧត្ដមសេនីយ៍ត្រី សោម ស៊ុន បានមានប្រសាសន៍ ទី១ មេបញ្ជាការគ្រប់បណ្ដាកងឯកភាពត្រូវក្តាប់ជាប់សភាពការណ៍ប្រចាំថ្ងៃនៅក្នុងមូលដ្ឋានទទួលខុសត្រូវឲ្យបានច្បាស់លាស់ ។
ទី២ ត្រូវផ្សព្វផ្សាយសេចក្តីថ្លែងការណ៍របស់រាជរដ្ឋាភិបាលស្តីពីការចាប់ខ្លួនជនក្បត់ជាតិ កឹម សុខា ដែលបានឃុបឃិតជាមួយបរទេសក្នុងគោលបំណងផ្តួលរំលំរាជរដ្ឋភិបាលស្របច្បាប់ តាមកាបង្គាប់បញ្ជាពីជនបរទេស ដែលត្រូវបានតុលាការចោទប្រកាន់ពីបទសន្ឋិដ្ឋិភាព ជាមួយបរទេស តាមច្បាប់នៃព្រះរាជាណាចក្រកម្ពុជា ឲ្យដល់គ្រប់យោធិនទាំងអស់ ក្រុមគ្រួសារយោធិន និងប្រជាពលរដ្ឋដែលរស់នៅជិតទីតាំងរបស់ទ័ព ។ទី៣ ត្រៀមបម្រុងកម្លាំងនៅនឹងកន្លែង ត្រៀមអន្តរាគមន៍ដោះស្រាយសភាពការណ៍ផ្សេងៗដែលកើតមានឡើងទាន់ពេលវេលា តាមបទបញ្ជារបស់ថ្នាក់លើឲ្យមានប្រសិទិ្ឋភាព
ទី៤ ចូលរួមសហការអនុវត្តន៍ឲ្យបានល្អនូវគោលនយោបាយភូមិ ឃុំ មានសុវត្ថិភាព ជាមួយសមត្តកិច្ចនានានិងអាជ្ញាធរដែនដី ពិសេសការពារឲ្យបានល្អនូវសន្តិសុខសណ្តាប់ សុវត្ថិភាពក្នុងពិធីបុណ្យកាន់បិណ្ឌ និងភ្ជុំបិណ្ឌនេះ។ យោធិនយើងទាំងត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងប្តេជ្ញាចិត្តដាច់ខាតប្រឆាំងរាល់ចលនាឲ្យមានបដិវត្តន៍ពណ៍នៅកម្ពុជា និងការពារឲ្យបានរាជរដ្ឋាភិបាលស្របច្បាប់ដែលកើតឡើងដោយការបោះឆ្នោត ។ ដោយ ប៊ុន រដ្ឋា
