Ghim Pheara:
ភ្នំពេញៈបុរសម្នាក់បើករថយន្តសណ្តោងធន់ធំមួយគ្រឿងបោះពួយយ៉ាងលឿនខណះពេលដែលមេឃកំពុងតែធ្លាក់ភ្លៀងបណ្តាលឲ្យរអឹលរេចង្កូតទៅបុកបង្គោលភ្លើងពេញទំហឹងបង្កអោយមានការភ្ញាក់ផ្អើលដល់សមត្ថកិច្ចកាលពីវេលាម៉ោង១១និង០០នាទីយប់ ថ្ងៃទី១៤ ខែកញ្ញា ឆ្នាំ២០១៧នៅត្រង់ចំណុចខាងត្បូងស្តុបណត់ប្រ៊ីចចម្ងាយប្រមាណប្រហែល២០០ម៉ែត្រ តាមបណ្តោយផ្លូវណត់ប្រ៊ីច ស្ថិក្នុងសង្កាត់អូបែកខ្អម ខណ្ឌសែនសុខ ។
រថយន្តបង្កម៉ាក ហីយឹនដាយ ពណ៌ស ជាប្រភេទរថយន្តសណ្តោងធន់ធំ ពាក់ស្លាកលេខ ភ្នំពេញ៣D៧៨១៩ បើកបរដោយបុរសម្នាក់វ័យប្រហែលជាង៣០ឆ្នាំ។
តាមប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុខណះពេលដែលមេឃកំពុងតែធ្លាក់ភ្លៀងគេឃើញ រថយន្តបង្កខាងលើបើកបរតាមបណ្តោយផ្លូវណត់ប្រ៊ីច ក្នុងទិសដៅពីត្បូងទៅជើងនិងក្នុងល្បឿនលឿន លុះពេលមកដល់ចំណុចដោយផ្លូវទើបនិងធ្វើហើយ ហើយមានស្ថានភាពរអឹលក៏បណ្តាលអោយរថយន្តបង្ករអឹលរួចក៏រេចង្កូតទៅខាងស្តាំធ្លាក់ចេញពីផ្លូវទៅបុកនិងបង្គោលភ្លើងដែលនៅតាមចិញ្ចើមផ្លូវពេញទំហឹងបណ្តាលអោយរថយន្តបង្កោលរងការខូចខាតក្រពឹងផ្នែកខាងមុខចំហៀងស្តាំយ៉ាងដំណំ ចំណែកឯបង្គោលរងការខូចខាតត្រេទបន្តិចនិងប្រអប់ភ្លើងមួយប្រអប់ដាច់ធ្លាក់ដល់ដី តែសំណង់ល្អដែលមិនបង្កអោយមានអ្នករងរបួស ភ្លាមនេះនាក់បើកបររថយន្តបង្កបានទាក់ទងហៅបក្សអោយយករថយន្តស្ទូចមកធ្វើការស្ទួចយករថយន្តលើមកលើផ្លូវបំណងនិងបើកគេចខ្លួន តែត្រូវបានប្រជាពលរដ្ឋដែលឃើញហេតុការណ៍បានរាយការណ៍ប្រាប់សមត្ថកិច្ចមូលដ្ឋានអោយចុះមកអន្តរាគមន៍ទាន់ពេលវេលា។
ក្រោយពេលកើតហេតុ សមត្ថកិច្ចមូលដ្ឋានបានមកដល់រួចទាក់ទងទៅសមត្ថកិច្ចជំនាញចុះមកធ្វើការវាស់វែងយក រថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញដើម្បីរងចាំធ្វើការដោះស្រាយនៅពេលក្រោយ ៕
