កំពង់ធំៈ ឧត្តមសេនីយ៍ត្រី សោម ស៊ុន បានបន្តដឹកនាំសហការីចុះនិងពិនិត្យស្ថានជីវភាពរស់នៅរបស់លោតអនុសេនីយ៍ត្រី សាន ជា ដែលមានជីវភាពទីទាល់ក្រ និងបច្ចុប្បន្នជា មេបញ្ជាការកងអនុសេនាតូចលេខ១ កងអនុសេនាធំទី២ វរសេនាតូចថ្មើជើងលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នៅល្ងាចថ្ងៃទី២៧ខែកញ្ញាឆ្នាំ២០១៧ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាករតំបន់ប្រតិបត្តិការសឹករងកំពង់ធំ បានមានប្រសាសន៍ ថាក្រៅពីការងារ ស្នូលរបស់អង្គភាព និង ក្រោយបញ្ចប់ភារកិច្ច ក៏តែងតែដឹកនាំសហការី ចុះសួរសុខទុក្ខ និង សិក្សាជីវភាពរស់នៅរបស់គ្រួសារកងទ័ព និងប្រជាពលរដ្ឋ ដើម្បីឲ្យដឹងពីសុខទុក្ខលំបាក់ពិតប្រាកដ ចៀងវាងជឿតែ លើរបាយការណ៍ ក្នុងការជួយដោះស្រាយ។
ជាក់ស្តែង លោក សាន ជា ជានាយមួយរូប នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នាពេលបច្ចុប្បន្ន មានជីវភាពខ្វះខាត ពុំមានលទ្ធភាពសាងសង់ជម្រកស្នាក់នៅសមរម្យ ចូលបម្រើក្នុងជួរកងទ័ពនៅថ្ងៃទី១០ ខែកុម្ភៈ ឆ្នាំ១៩៩៣ ហើយធ្លាប់បានឆ្លងកាត់ក្នុងសមរភូមិប្រយុទ្ធជាច្រើនលើកក្នុងសម័យសង្គ្រាម រស់នៅភូមិ ពាមក្រែង ឃុំក្តីដូង ស្រុកកំពង់ស្វាយ ខេត្តកំពង់ធំ ។
លោក សាន ជា មានភរិយាឈ្មោះ ឆុំ ព្រីង អាយុ ៤៦ ឆ្នំា ទោះបីជាមានជីវភាពលំបាកខ្វះខាតក៍បានពុះពារឲ្យកូនទាំងពីរនាក់បានរៀនសូត្រផងដែរ បច្ចុប្បន្នកូនប្រុស ច្បងបានប្រឡងជាប់មធ្យមសិក្សាទុតិយភូមិ (បាក់ឌុប)ក្នុងពេលថ្មីៗកន្លងមកនេះ ដោយឡែកកូនស្រីប្អូនបានរៀនដល់ថ្នាក់ទី៧ ហើយដែរ ។
ឯកឧត្តម នាយឧត្តសេនីយគន់ គីម អគ្គបញ្ជាការរង នាយសេនាធិការចម្រុះ និងជាអគ្គលេខាធិការសមាគមអតីតយុទ្ធជនកម្ពុជា បានបញ្ជាឲ្យមេបញ្ជាការតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ឋជនកម្ពុជាខេត្ត ចាត់ចែងដឹកគ្រឿងឈើនិងសម្ភារៈទៅសាងសង់ផ្ទះជូនលោកអនុសេនីយ៍ត្រី សាន ជា នៅព្រឹកថ្ងៃព្រហស្បតិ៍ទី២៨ខែកញ្ញា ឆ្នាំ២០១៧ស្អែកនេះជាបន្ទាន់ ក្នុងឱកាសនេះក្រុមការងារបានឧបត្ថម្ភជូននូវអង្ករចំនួន៥០គីឡូក្រាម មីយើងមួយកេស ទឹកត្រីទឹកស៊ីអ៊ីវ ពីរយួរ និងថវិកាចំនួន២០០.០០០ ៛ ។
ដោយ ប៊ុន រដ្ឋា
