កំពង់ធំៈ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការីចុះសួរសុខទុក្ខលោកយាយចាសជរា មានឈ្មោះ ភាច ហម អាយុ ៦៧ឆ្នាំ ចិញ្ចឹមចៅកំព្រាចំនួនពីរនាក់រស់នៅសព្វថ្ងៃ បានអ្នកជិតខាង ផ្តល់ចំណីអាហារ លោកយាយរស់នៅក្នុងខ្ទមស្លឹកដ៏ធ្លុះធ្លាយ ជីវិត ពោពេញទៅដោយទុក្ខលំបាក ដោយបច្ចុប្បន្នរស់នៅភូមិត្រពាំងផ្តៀក ឃុំសាលាវិស័យ ស្រុកប្រសាទបល្ល័ង្ក ខេត្តកំពង់ធំ។
លោកយាយ ភាច ហម មានកូនស្រីចំនួន២ពីរនាក់ តែកូនគាត់មានប្តី បានបែកទៅរស់នៅរៀងខ្លួន ដោយ កូនស្រីមួយបានទៅ ធ្វើកម្មករនៅប្រទេសម៉ាឡេស៊ី បាត់ដំណឹងសូន្យឈឹង រហូតដល់សព្វថ្ងៃ ហើយមិនដែលបានផ្ញើរថវិកាមកគាត់ម្ដងណាឡើយ បច្ចុប្បន្នលោកយាយ រស់រង់ចាំការផ្តល់ជំនួយពីបងប្អូន និងអ្នកជិតខាងតែប៉ុណ្ណោះ ដើម្បីចិញ្ចឹមជីវិត។ 
ឯកឧត្តម ឧត្តមសេនីយ៍ត្រី សោម ស៊ុន និងសហការី រួមជាមួយលោកមេឃុំសាលាវិស័យ បាននាំយកអំណោយ យកទៅជូន លោកយាយ ភាច ហម នៅល្ងាចថ្ងៃទី២៩ខែកញ្ញា ឆ្នាំ២០១៧ បន្ទាប់ពីទទួលបានពត៌មានក៏ បានចុះទៅទីតាំងលោកយាយស្នាក់នៅ និងបានផ្ដល់ជូននូវគ្រឿងឧបភោគបរិភោគជូនគាត់ មានអង្ករចំនួន៥០គីឡូក្រាម មីយើងមួយកេសទឹកត្រីទឹកស៊ីអ៊ីវពីរយួរ និងថវិកាចំនួន១៣០.០០០ ៛ ។
លោកយាយ ភាច ហម មានចិត្តរំភើបក្នុងចិត្ត ដោយរកអ្វីប្រៀបផ្ទឹមពុំបាន និងសូមថ្លែងអំណរគុណ មេបញ្ជាការតំបន់ប្រតិបត្តិការសឹករងកំពង់ធំ និងអាជ្ញាធរដែនដី ដែលជានិច្ចកាលគិតគូរពីសុខទុក្ខនិងជីវភាពរស់នៅរបស់ប្រជាពលរដ្ឋ ដោយមិនទុកឲ្យប្រជាពលរដ្ឋណាម្នាក់ស្លាប់ដោយអត់អាហារឡើយ ។
ដោយ ប៊ុន រដ្ឋា
