កំពង់ធំៈ ឧតត្តមសេនីយ៍ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបំពាក់ខោអាវដល់ ប្រជាពលការពារចំនួន៧ នាក់ ដែលត្រូវបានបំពេញសិទ្ធិជាកងកម្លាំងស្ម័គ្រចិត្តការពារភូមិ និងជាកម្លាំង ពិសេសសម្រាប់ជាសេនាធិការឲ្យសមត្ថកិច្ច ដើម្បីរួមសហការ ការពារសន្តិសុខនៅតាមមូលដ្ឋាន និងការជួយសម្រួសចារចរណ៍ រួមទាំងហេតុការណ៍ផ្សេងៗ រាល់ការលំបាករបស់ប្រជាពលរដ្ឋក្នុងពិធីបុណ្យនានា។
ឯកឧត្តម ឧត្តមសេនីយ៍ត្រី សោម ស៊ុន បានកោតសរសើរ នឹងវាយតំលៃខ្ពស់ ចំពោះទឹកចិត្តរបស់យុទ្ធជន ដែលស្រឡាញ់សន្តិសុខ និងភាពសុខសាន្តរបស់ប្រជាពលរដ្ឋ ដោយបានលះបង់ពេលវេលា និងសេចក្តីសុខ របស់ខ្លួន ស្ម័គ្រចិត្តចូលជាប្រជាការពារភូមិ ដើម្បីរួមចំណែកជាមួយនឹងរាជរដ្ឋាភិបាល សហការជាមួយកងកម្លាំងសមត្ថកិច្ច ចូលរួមគោរពតាមគោលនយោបាយភូមិ ឃុំ មានសុវត្តិភាពទាំង៩ចំនុច ដើម្បីលុបបំបាត់ចោលចោរលួច ចោរប្លន់ និងការចែកចាយ ជួញដូរគ្រឿងញៀន រួមទាំងបទល្មើសផ្សេងៗ ដែលមានស្មារតី ខ្ពស់ក្នុងការការពារសន្តិសុខ ពិធីបំពាក់ឯកសណ្ឋានជូនប្រជាការពារ ស្ថិតនៅភូមិក្រវ៉ា ឃុំក្រវ៉ា ស្រុកបារាយណ៍ ខេត្តកំពង់ធំ និងផ្សព្វផ្សាយគោលនយោបាយភូមិឃុំមានសុវត្ថិភាពទាំង៩ចំណុច នាព្រិកថ្ងៃទី១២ខែតុលាឆ្នាំ២០១៧ ។
ក្នុងនោះដែរ ឯកឧត្តម ឧត្តមសេនីយ៍ត្រី សោម ស៊ុន បានផ្តាំផ្ញើរនូវចំនុខសំខាន់ៗ ដែលប្រជាការពារមាន មានសិទ្ធិក្នុងការសម្រេចចិត្តអនុវត្ត ការចៀសវាងផលប៉ះពាល់ហួសដែលសមត្ថកិច្ចរបស់ខ្លួន ដូចជា ប្រជាការពារពុំមានសិទ្ធិក្នុងការកសាងសំណុំរឿងបញ្ជូនទៅតុលាការ ទី២ មិនត្រូវសំឡុតគំរាមគំហែង ឬកាក់ ខាំងមនុស្ស កាក់មធ្យោបាយដឹកជញ្ជូនរបស់ប្រជាពលរដ្ឋ ទី៣ មិនត្រូវពាក់ស្លាកសញ្ញាគ្រប់ប្រភេទ ឬឯកសណ្ឋានជាកងកម្លាំងប្រដាប់អាវុធ ដែលនាំឲ្យមហាជនមានការភាន់ច្រឡំ ពុំមានសិទ្ធសម្រេចចូល ចាប់បុគ្គលណា ដែលគ្មានសកម្មភាពបទល្មើសជាក់ស្តែង មិនត្រូវយកតួនាទីជាប្រជាការពារទៅកាងបទល្មើសនានានោះទេ ។ល។
ឯកឧត្តម សោម ស៊ុន បានបញ្ជាក់ពីតួនាទីដែលត្រូវបានអនុញ្ញាតិ ទី១ ករណីបទល្មើសជាក់ស្តែងមានសិទ្ធចាប់បញ្ជូនឲ្យសមត្ថកិច្ចជាបន្ទាន់ ទី២ មានសិទ្ធិជួយសម្រួលការកកស្ទះ ឬធ្វើចរាចរណ៍ ជួយដល់ប្រជាពលរដ្ឋក្នុងពិធីផ្សេងៗ ជួយដាស់ទឿននិងចូលរួមថែរក្សាទ្រព្យសម្បត្តិរបស់ប្រជាពលរដ្ឋ សហការជាមួយសមត្ថកិច្ច ការពារទប់ស្កាត់ បញ្ហាចោរលួច ចោរប្លន់ និងការជួញដូរ ចែកចាយគ្រឿងញៀន នៅក្នុងមូលដ្ឋាន និងជា គំរូល្អសម្រាប់ប្រជាពលរដ្ឋ ។
ដោយ ប៊ុន រដ្ឋា
