កំពង់ធំៈ ឯកឧត្តម មេបញ្ជាការតំបន់ប្រតិបត្តិការសឹករងកំពង់ធំ រួមទាំងថ្នាក់ដឹកនាំបានអញ្ជើញចុះត្រួតពិនិត្យ កាសាងសង់ផ្ទះបាយរបស់កងកម្លាំង វរៈសេនាតូចថ្មើរជើងលេខ១ និងផ្សព្វផ្សាយសភាពការថ្មី ដែលបានកើតឡើងនៅក្នុងប្រទេស ជូនដល់កងកម្លាំងកងយោធពលខេមរភូមិន្ទ ដើម្បីការពារសន្តិភាពនិងសន្តិសុខជូនដល់ប្រទេសជាតិ។ 
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានសំណេះសំណាលជា និងផ្សព្វផ្សាយ ពីសភាពការណ៍វិវត្តន៍ថ្មីៗ ជូនថ្នាក់ដឹកនាំបញ្ជាការដ្ឋានវរសេនាតូចថ្មើជើងលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នៅភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ នៅរសៀលថ្ងៃទី២០ខែតុលាឆ្នាំ២០១៧ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងតំណាងឲ្យឯកឧត្តម សុខ លូ អភិបាលខេត្តកំពង់ធំ ប្រធានគណៈបញ្ជាការឯកភាពរដ្ឋបាលខេត្តកំពង់ធំ បានយកថវិការចំនួន៥.០៥០ដុល្លា ប្រគល់ជូនអង្គភាពវរសេនាតូចថ្មើរជើងលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ សម្រាប់សាងសង់ផ្ទះហូបបាយសមូហភាពដែលមានទំហំ ១០ម៉ែត្រx៣០ម៉ែត្រ នៅក្នុងវរសេនាតូចថ្មើជើងលេខ១ ដែលជាទីតាំងសំខាន់សម្រាប់បណ្តុះបណ្តាល ហ្វឹកហ្វឺនដល់កងកម្លាំងកងយោធពលខេមរភូមិន្ទ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ។
កងកម្លាំងនៃចំណុះឲ្យ បញ្ជាការដ្ឋានតំបន់ប្រតិបត្តិការសឹករងកំពង់ធំ បានប្តេជ្ញាចិត្តដាច់ខាតគោរពតាមបទបញ្ជរបស់ថ្នាក់លើ កំចាត់ជនទាំងឡាយណាដែលមានគោលបំណងធ្វើបដិវត្តន៍ពណ៍ ផ្តួលរំលំរាជរដ្ឋភិបាលស្របច្បាប់នៅកម្ពុជា ឯកឧត្តម មេបញ្ជាការតំបន់ប្រតិបត្តិការសឹករងកំពង់ធំ និងយោធិនក្រោមឱវាទទាំងអស់សូមគោរពថ្លែងអំណរគុណឯកឧត្តមសុខ លូ និងលោកជំទាវព្រមទាំងក្រុមគ្រួសារ ដែលបានឧបត្ថម្ភថវិកាចំនួន៥០៥០$ សម្រាប់សាងសង់ផ្ទះបាយ ដើម្បីរួមចំណែកក្នុងវិស័យកាពារជាតិ សូមឲ្យឯកឧត្តម បានជួបប្រទះតែនិងពុទ្ឋពរបួនប្រការគឺ អាយុ វណ្ណៈ សុខះ និងពលៈ កុំបីឃ្លាងឃ្លាតឡើយ ។
ដោយ ប៊ុន រដ្ឋា
