កំពង់ធំៈ លោក អនុសេនីយ៍ទោ ផាន់ ធិន នាយរងការិយាល័យអភិវឌ្ឍន៍ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានមរណៈភាព ដោយរោគារពាធ ត្រូវបានឯកឧត្តម ឧត្តមសេនីយត្រី សោម ស៊ុនមេបញ្ជាការតំបន់ប្រតិបត្តិការសឹករងកំពង់ធំ រួមទាំងមេបញ្ជាការង និងនាយទាហានជាច្រើនរូប ចំណុះឲ្យ តំបន់ប្រតិបត្តិការសឹករងកំពង់ធំ អញ្ជើញចូលរួមគោរពវិញ្ញាណក្ខន្ធ សពលោក អនុសេនីយ៍ទោ ផាន់ ធិននៅព្រឹកថ្ងៃទី ០៣ ខែវិច្ចិកា ឆ្នាំ២០១៧ នៅភូមិព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ។
នៅក្នុងពិធីគោរពវិញ្ញាណក្ខន្ធ នាយទាហាន ផាន់ ធិន បានបញ្ជាក់ពីទឹកចិត្តថ្នាក់ដឹកនាំ និងនាយទាហានធ្លាប់ រួមការងារ សម្តែងនូវចិត្តមុខក្រៀមក្រម ដោយក្តីអឡោះអាល័យ និងការសោកស្តាយ របស់នាយទាហាន ដែលបានលាទៅដោយក្តីអាល័យ លាមិត្ត លាញាតិ សណ្តានដោយឥតវិលវិញ បានធ្វើឲ្យនាយទាហានគ្រប់ រូបបង្ហាញនូវក្តីសោកស្តាយ នៅក្នុងឳកាសនេះផងដែរ ឯកឧត្តម ឧត្តមសេនីយ៍ត្រី សោម ស៊ុន បានបំពាក់ ស័ក្តិអនុសេនីយ៍ទោ ជាកិច្ចបច្ឆាមរណៈ ជាលើកចុងក្រោយនៃជីវិតរបស់នាយទាហានរូបនេះ ដែលកន្លងមក ធ្លាប់កសាងជាតិមាតុភូមិ និងសាងអំពើល្អដល់សង្គម ធ្វើឲ្យមិត្តរួមការងារ និងប្រជាពលរដ្ឋគោរពស្រឡាញ់។
កន្លងមកនេះ ឯកឧត្តម ឧត្តមសេនីយ៍ត្រី សោម ស៊ុន បានដឹកនាំសហការី ចុះសួរសុខទុក្ខខណៈពេលកំពុងមានជម្ងឺ ហើយបានផ្តល់ជាកំលាំងចិត្ត ដើម្បីលើកទឹកចិត្តដល់យោធិនរូបនេះ និងបានផ្តាំផ្ញើរយ៉ាងយកចិត្ត ទុកដាក់ពីដល់ ប្រពន្ឋកូន ក្នុងការថែរក្សាជម្ងឺ រួមទាំងបានផ្តល់អំណោយជូនដល់គ្រួសារយោធិនរូបនេះ ទៀតផង តែដោយសារតែជម្ងឺមានសភាពធ្ងន់ធ្ងរពេក ទើបបានធ្វើឲ្យមរណៈភាពក្នុងពេលនេះ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍នៅក្នុងពិធីចូលរួមបុណ្យសព លោក អនុសេនីយ៍ទោ ផាន់ ធិន ជាមួយនឹងក្រុមគ្រួសារសព ឲ្យតស៊ូជីវិតបន្តទៀត ខិតខំប្រឹងចិញ្ចឹមបីបាច់ថែរក្សាកូនចៅ ឲ្យក្លាយទៅជាមនុស្សល្អ ជាសិស្សល្អ ដើម្បីតបស្នងសងគុណឳពុក ក្នុងនោះក៏បាននាំយក នូវបច្ច័យដែលជាសុទ្ឋាជ្រះថ្លារបស់យើងទាំងអស់គ្នាសម្រាប់ចូលបុណ្យសពមានចំនួន២.៣០០.០០០៛ និងអង្ករចំនួន១០០គីឡូក្រាម ។ដោយ ប៊ុន រដ្ឋា
