រាជធានីភ្នំពេញ ៖ ដើម្បីថែរក្សាសន្តិសុខ សុវត្ថិភាពជូនប្រជាពលរដ្ឋ នៅវេលាម៉ោង០៧:៣០នាទីយប់ថ្ងៃទី១០ខែវិច្ឆិកាឆ្នាំ២០១៧នេះ គណៈបញ្ជាការឯកភាពខណ្ឌមានជ័យ ទទួលបានបទបញ្ជា ពីឯកឧត្ដម ឃួង ស្រេង អភិបាលរាជធានីភ្នំពេញ និងក្នុងនាមលោកបាទ ពេជ្រ កែវមុនី អភិបាលខណ្ឌមានជ័យ បានអនុញ្ញាតអោយលោក ឡុង ង៉ែត អភិបាលរងខណ្ឌ សហការជាមួយលោកវរសេនីយ៍
ម៉េង វិមានដារ៉ា អធិការរងខណ្ឌ ដឹកនាំកម្លាំងចម្រុះមានកម្លាំងនគរបាលខណ្ឌ កម្លាំងប៉ុស្តិ៍ស្ទឹងមានជ័យ កម្លាំងកងរាជអាវុធហត្ថខណ្ឌ ធ្វើការចុះរដ្ឋបាល នៅចំណុចក្រោមស្ពានអាកាសស្ទឹងមានជ័យ ជាកន្លែងពពាក់ពូនគ្នាប្រើប្រាស់គ្រឿងញៀន និងមានករណីវាយប្លន់យកលុយពីអ្នកដំណើរ ដោយធ្វើការឃាត់ខ្លួនជនប្រុសស្រី៧នាក់ (ស្រី៣នាក់) ដកហូតដាវសាម៉ូរៃ២ដើម កាំបិត៣ និងឧបករសម្រាប់ប្រើប្រាស់គ្រឿងញៀនមួយចំនួន។ 
នគរបាលប៉ុស្តិ៍ស្ទឹងមានជ័យបានឲ្យដឹងថា ជនសង្ស័យដែលឃាត់ខ្លួនបានមានឈ្មោះ ៖
១.ឈ្មោះ សំណាង រតនា ភេទប្រុស អាយុ៣០ឆ្នាំ មុខរបប រើសអេតចាយ
២.ឈ្មោះ សុង ធី ភេទប្រុស អាយុ២៥ឆ្នាំ មុខរបប រើសអេតចាយ
៣.ឈ្មោះ ច្រិត វិរះ ភេទប្រុស អាយុ ២៣ឆ្នាំ មុខរបប រើសអេតចាយ
៤.ឈ្មោះ មុំ វិទូ ភេទប្រុស អាយុ៣៣ឆ្នាំ មុខរបប រើសអេតចាយ
៥.ឈ្មោះ ចន្ទ័ និមល ភេទស្រី អាយុ ២១ឆ្នាំ មុខរបប បំរើកាខារ៉ាអូខេ
៦.ឈ្មោះ ឡេង ច្រិប ភេទស្រី អាយុ៣២ឆ្នាំ មុខរបប រើសអេតចាយ
៧.ឈ្មោះ មុំ ស្រីពៅ ភេទស្រី អាយុ១៨ឆ្នាំ មុខរបប រើសអេតចាយ ។ 
ចំណែកវត្ថុតាងដកហូត រួមមាន៖ ដាវកែឆ្នៃចំនួន៣ដើម កាំបិតចំនួន៣ ព្រមទាំងឧបករណ៍សំរាប់ប្រើប្រាស់គ្រឿងញៀនមួយចំនួនទៀត ។
នៅចំពោះមុខសមត្ថកិច្ច ជនសង្ស័យទាំងនោះ បានសារភាពថា ពួកគេពិតជាធ្លាប់ប្រើប្រាស់គ្រឿងញៀនពិតប្រាកដមែន ។
ក្រោយពេលកើតហេតុ បន្ទាប់ពីសាកសួរជនសង្ស័យព្រមទាំងវត្ថុតាំង និងត្រូវបានសមត្ថកិច្ចបញ្ជួនទៅមន្ទីរសង្គមកិច្ច ដើម្បីធ្វើការអោបរំ ៕
ដោយ ជិំម ភារ៉ា
