កំពង់ធំៈ ក្រោមការយកចិត្តទុកដាក់ពីសំណាក់ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិសឹករងកំពង់ធំ មកលើយោធិនគ្រប់រូប ទាំងការស្នាក់នៅ ការសាងសង់បន្ទាយ ការហ្វឹកហ្វឺនយុទ្ធវិធីយុត្តិសាស្រ្តកងទ័ព ថែមទាំងបានពង្រឹងសមត្ថភាពដល់យោធិន ដោយក្បាច់គុណដំបង ដើម្បីសម្រាប់ការ ពារខ្លួនក្នុងអាជីពជាកងយោធពលខេមរភូមិន្ទ និងដើម្បីការពារខ្លួន ។
ការត្រួតពិនិត្យសកម្មភាពសម្ដែងក្បាច់គុន របស់យោធិនវរសេនាតូចថ្មើរជើងលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រូវបានធ្វើឡើងនៅព្រឹកថ្ងៃទី ១១ ខែវិច្ឆិកា ឆ្នាំ ២០១៧ ដែលបានដឹកនាំដោយ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិសឹករងកំពង់ធំ រួមទាំងមេបញ្ជាការង និងនាយទាហានជាច្រើនរូប បានចុះពិនិត្យ នៅភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ក្នុងនាមជាកងកម្លាំង នៃកងយោធពលខេមរភូមិន្ទ មានតួនាទីសម្រាប់ការពាររាជរដ្ឋាភិបាលស្របច្បាប់ ដែលបានកើតឡើងពីការបោះឆ្នោត គឺមានភាព ចំបាច់បំផុតឲ្យយោធិនគ្រប់រូប មានលក្ខណត្រៀមទទួលនូវបទបញ្ជាពីថ្នាក់លើ ដើម្បីការពារសន្តិភាព និង រក្សាសន្តិភាព ក្នុងនោះពលទាហានគ្រប់រូប ក៏ត្រូវបានគុណភាព ចំណេះដឹង និងសមត្ថភាពគ្រប់គ្រាន់ ដើម្បី ទប់ស្កាត់បង្ការ ការពារមិនអោយមានអសន្តិសុខ និងបង្ករចលាចលក្នុងប្រទេស គឺយោធិនទាំងអស់ត្រូវស្នោះ ត្រង់ជាមួយរាជរដ្ឋាភិបាលដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី នៃព្រះរាជាណាចក្រកម្ពុជា នៅក្នុងឳកាសនេះផងដែរ ឯកឧត្តម មេបញ្ជាការ បានប្រគល់ស៊ីម៉ង់ត៍ចំនូនបី ជូនអង្គភាពវរសេនាតូចថ្មើរជើងលេខ១ ដើម្បីចាក់សាបនៅរោងបាយរបស់អង្គភាពវរសេនាតូចថ្មើរជើងលេខ១ ។
ដោយ ប៊ុន រដ្ឋា
