ភ្នំពេញ៖ ជនសង្ស័យពីរនាក់ធ្វើសកម្មភាពដកកាំភ្លើងភ្ជង់បំណងប្លន់យកម៉ូតូឡែតពីនារីម្នាក់ខណៈដែលនារីរងគ្រោះជិះតែម្នាក់ឯងចេញពីរៀនត្រឡប់ទៅផ្ទះតែមិនបានសម្រេចយកបានតែកាបូបស្ពាយមួយដោយសារតែម៉ូតូជនរងគ្រោះដួលនិងមានប្រជាពលរដ្ឋឃើញហេតុការណ៍ស្រែកផ្អើលឆោឡោធ្វើអោយជនសង្ស័យមានការភ័យស្លន់ស្លោរផ្ដួលម៉ូតូរត់គេចយករួចខ្លួន។
ហេតុការណ៍ភ្ជង់ប្លន់នេះបានកើតឡើងនៅវេលាម៉ោង២០និង៣៥នាទីថ្ងៃ១៤ ខែវិឆ្ឆកា ឆ្នាំ២០១៧ នៅចំណុចផ្លូវបេតុជិតដេប៉ូលក់ប្រេងឥន្ទនៈតេឡា ក្នុងភូមិភ្នៀត សង្កាត់ស្ទឹងមាន២ ខណ្ឌមានជ័យ រាជធានីភ្នំពេញ។
ជនរងគ្រោះ មានឈ្មោះ ឈៀវ វិច្ឆការ ភេទស្រី អាយុ៣០ឆ្នាំ មុខរបប បុកលិគ្គក្រុមហ៊ុនឯកជន ស្នាក់នៅ ផ្ទះលេខ១២ ផ្លូវលេខបេតុង១៨ ភូមិភ្នៀត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
សំភារះដែលជនសង្ស័យប្លន់យកទៅនៅក្នុងកាបូបមាន ទូរសព្ទ័ចំនួន២គ្រឿងម៉ាក iphon5មួយនិង iphon 7 មួយគ្រឿង កាតATM ចំនួន៤សន្លឹក កាតវីងមួយសន្លឹក និងលុយចំនួន 200ដូល្លារ។ តាមសម្តី ជនរងគ្រោះ បានអោយដឹងថា នៅមុនពេលកើតហេតុ រូបនាងបានជិះម៉ូតូ ម៉ាក់ ស៊ុយសុគី ឡែក ពណ៌ស ពាក់ស្លាកលេខ ភ្នំពេញ 1GF 9978 ចេញពីសាលា រូ នៅបឹងត្របែក គោលបំណង ត្រលប់ទៅវិញ ជិតកន្លែងកើតហេតុ ខណះធ្វើដំណើរមកដល់ ចំនុចកើតហេតុ ក៍ស្រាប់តែមាន ជនសង្ស័យ២នាក់ បាន ជិះម៉ូតូមួយគ្រឿង មកពីក្រោយជិះមក
កាក់ពីមុខម៉ូតូខ្លួនហើយដកកាំភ្លើងខ្លីមួយដើមមិនស្គាល់ម៉ាក មកភ្ជង់គំរាមរូបនាង អោយចុះពីលើម៉ូតូ តែពេលនោះរូបនាងភ័យខ្លាំងពេកស្រែកឆោរឡោផ្អើលដល់ប្រជាពលរដ្ឋនោះចេញមកព្រោងព្រាត ធ្វើអោយជនសង្ស័យ ភ័យពេក ក៍បានយកកាបូបស្ពាយពីរូបនាង ហើយផ្ដួលម៉ូតូរត់គេចខ្លួនបាត់ បន្សល់ទុកម៉ូតូរបស់ ពួកគេមួយគ្រឿង ម៉ាក AIR BLACK ពណ៌ស ពាក់ស្លាកលេខ ភ្នំពេញ 1L 5648 នៅកន្លែងកើតហេតុ ។
ក្រោយក្រោយពេលកើតហេតុ ជនរងគ្រោះ ត្រូវបានក្រុមគ្រួសារដឹកយកទៅដាក់ពាក្យបណ្តឹងនៅប៉ុស្តិ៍នគរបាល ស្ទឹងមានជ័យ២ កំណត់មុខសញ្ញាស្រាវជ្រាវចាប់ជនសង្ស័យមកផ្ដន្ទាទោសតាមផ្លូវច្បាប់៕
