មន្ទីរទេសចរណ៍ខេត្តមណ្ឌលគិរី បានរៀបចំពិធីផ្សព្វផ្សាយ អំពីជំនាញវិជ្ជាជីវះ ទេសចរណ៍ និងច្បាប់ទេសចរណ៍ដល់សិស្ស វិទ្យាល័យ ហ៊ុនសែនមណ្ឌលគិរី នៅព្រឹក ថ្ងៃទី ១៦ មិថុនា ២០១៤ ក្រោមអធិបតីភាពឯកឧត្តម យឹម លុច្ស អភិបាលរងខេត្ត និង លោក ទ្រី ឈីវ អគ្គនាយករង
ទេសចរណ៍ និងជាប្រធានលេខាធិការដ្ឋាន នៃគណៈ កម្មា ធិការជាតិអ្នកជំនាញទេសចរណ៍ផងដែរ។
មានប្រសាសន៍ចូលរួមនាពេលនោះ លោក ទ្រី ឈីវ បានលើកឡើងថា ដើម្បីសំរេចបានភ្ញៀវទេសចរណ៍មកកាន់កម្ពុជាចំនួន៨លាននាក់នៅឆ្នាំ២០២០ក្រសួងទេសចរណ៍បានដាក់ចេញនូវយុទ្ធសាស្ត្រអភិវឌ្ឍន៍ទេសចរណ៍២០១២-២០២០ដោយផ្តោតលើគោ លដៅយុទ្ធសាស្ត្រសំខាន់ៗចំនួន៦គឺការអភិវឌ្ឍន៍ផលិតផលទេសចរណ៍ .ការផ្សព្វផ្សាយ ទេសចរណ៍អោយកាន់តែទូលំទូលាយថែមទៀត .ការសម្រួលការធ្វើដំណើរទាំងក្នុងស្រុក និងក្រៅស្រុក និងការអភិវឌ្ឍន៍ធនធានមនុស្សជាដើម។
មានប្រសាសន៍បើកកម្មវិធីនាពេលនោះ ឯកឧត្តម យឹម លុច្ស អភិបាល រងខេត្ត បានលើកឡើងថា ដើម្បីជម្រុញវិស័យទេសចរណ៍ខេត្ត ឲ្យឈានទៅរកនិយាម ដែលមាន លក្ខណះជាតិ-អន្តរជាតិបាន ប្រការដែលចាំបាច់គឺ ជម្រុញការអភិវឌ្ឍន៍វិស័យ សេវាកម្ម ដែលបម្រើឲ្យសេចក្តីត្រូវការរបស់ទេសចរណ៍សម្រាប់រយៈពេលស្នាក់នៅរបស់ពួកគេ។
ឯកឧត្តមសង្ឃឹមថា នៅពេលបញ្ចប់វគ្គផ្សព្វផ្សាយនេះអ្នកចូលរួមទាំងអស់នឹងទទួលបានចំនេះដឹងស្តីអំពីសារៈសំខាន់ នៃជំនាញវិជ្ចាជីវៈទេសចរណ៍ យល់ដឹកពីច្បាប់ ទេសចរណ៍ និងបទពិសោធន៍ការងារផ្នែកទេសចរណ៍ ហើយយកចំនេះដឹងដ៏សំខាន់នេះទៅផ្សព្វផ្សាយបន្តដល់សិស្សានុសិស្ស និងប្រជាពលរដ្ឋឲ្យបានយល់កាន់តែច្បាស់បន្ថែមទៀត៕
