កំពង់ធំៈ ក្រោយពេល តុលាការកំពូល បានប្រកាសសាលដីការំលាយគណបក្សសង្គ្រោះជាតិ រួមទាំងបាន ដកសិទ្ធិការធ្វើនយោបាយ មន្រ្តីថ្នាក់ដឹកនាំសំខាន់ៗ ចំនួន១១៨ នាក់ របស់គណបក្សសង្រ្គោះជាតិ ត្រូវបាន បញ្ជាការដ្ឋានតំបន់សឹករងកំពង់ធំ ធ្វើការផ្សព្វផ្សាយសភាពការណ៍ថ្មីៗ ជូនដល់នាយទាហាន និងពលទាហាន នៅបញ្ជាការរដ្ឋានតំបន់ប្រតិបត្តិការសឹករងកំពង់ធំ បន្ទាប់ពីគោរពទង់ជាតិនៃព្រះរាជាណាចក្រកម្ពុជារួច ។
ពីធីផ្សព្វផ្សាយសភាពការនៅក្នុងប្រទេស ត្រូវបានចូលរួមជាអធិបតីភាព លោក ឧត្តមសេនីយត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ នៅព្រឹកថ្ងៃច័ន្ទទី២០ខែវិច្ឆិកា ឆ្នាំ២០១៧ ក្នុងនោះឯកឧត្តម បានការប្រគល់ភារកិច្ច ដែលមាន៥ចំនុចសំខាន់ៗរួមមាន ១- បន្តសហការណ៍ ល្អជាមួយអាជ្ញាធរដែនដីនិងសមត្ថកិច្ចនាៗ អនុវត្តន៍នូវគោលនយោបាយភូមិឃុំមានសុវត្ថិភាព ទប់ស្កាត់នូវអំពើល្មើសច្បាប់ ឬ ការបង្ករចលាចលក្នុងសង្គមឲ្យបានជាដាច់ខាត ២- បន្តត្រៀមបម្រុងកម្លាំង និងគ្រឿងបំពាក់គ្រប់គ្រាន់ដើម្បីចល័តអន្តរាគមន៍តាមបទបញ្ជារបស់ថ្នាក់លើ ឲ្យទាន់ពេលវេលា ទី៣- ខិតខំបន្តធ្វើអំពើល្អជាមួយប្រជាពលរដ្ឋបម្រើប្រជាជន ដោយចាត់ទុកថាកងទ័ពគឺជាកូនចៅរបស់ប្រជាជន ទី៤-ត្រូវអនុវត្តន៍ឲ្យបានសម្រេចនូវភារកិច្ចកិច្ចដែលថ្នាក់លើបានប្រគល់
ទី៥- គាំទ្រយ៉ាងពេញទំហឹងចំពោះចំណាត់ការរបស់រាជរដ្ឋាភិបាល ក្នុងការចាប់ឃាត់ខ្លួន មេដឹកនាំគណៈបក្សប្រឆាំង កឹម សុខា ដែលជាជនក្បត់ជាតិ ដើម្បីកាត់ទោសតាមច្បាប់ និងគាំទ្រយ៉ាងពេញទំហឹងចំពោះចំណាត់របស់តុលាការកំពូលដែលសវនាការនិងប្រកាសសាលដីកា ក្នុងការរំលាយគណបក្សសង្គ្រោះជាតិ និងការកាត់សិទ្ធនយោបាយដល់មន្រ្ដីថ្នាក់ដឹកនាំសំខាន់ៗចំនួន១១៨នាក់ យៈពេល៥ឆ្នាំ របស់គណបក្សនេះ កាលពីល្ងាចថ្ងៃទី១៦ខែវិច្ឆិកាឆ្នាំ២០១៧កន្លងមកនេះ ។
ប្រជាពលរដ្ឋទូទៅ បានស្វាគមន៍ នឹងគាំទ្រចំណាត់ការ របស់រាជរដ្ឋាភិបាលកម្ពុជា ដើម្បីរក្សាសន្តិភាព និង បង្កើនការអភិវឌ្ឍន៍ ក្រោមការដឹកនាំដោយសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី នៃព្រះរាជាណាចក្រកម្ពុជា ឲ្យដឹកនាំនាវាសន្តិភាពឆ្ពោះទៅរកភាពរីកចំរើន ។
ដោយ ប៊ុន រដ្ឋា
