កំពង់ធំៈ សកម្មភាពចុះសួរសុខទុក្ខ គ្រួសារអតីតយុទ្ធជន របស់សមាគមអតីតយុទ្ធជនខេត្តកំពង់ធំ គ្មានទេ ថ្ងៃឈប់សម្រាក ទោះជាភ្លៀងផ្គរ កាត់វាល កាត់ព្រៃត្រពាំដងអូ ក៏មិនដែលគិតថាមានការនឿយហត់នោះទេ គឺជាគោលដៅសំខាន់បំផុត នាំយកកំលាំងចិត្តទៅផ្តល់ជូនអតីតយុទ្ធជន ដើម្បីផ្តល់ភាពកក់ក្តៅ និងភាពជឿជាក់ថា ពិតជាមិននៅឯកកោម្នាក់ឯងនោះទេ ។
ជាក់ស្តែងនាថ្ងៃឈប់សម្រាក់ មន្ត្រីរាជការមួយចំនួនសម្រាក់ជួបជុំគ្រួសារ តែសកម្មភាពរបស់ សមាគមអតីត យុទ្ធជនកម្ពុជាខេត្តកំពង់ធំ បានឆ្លៀតឳកាសមាសនេះ មកចុះសួរសុខទុក្ខដល់គ្រួសារអតីតយុទ្ធជនពលី ដែលបានដឹកនាំដោយ ឯកឧត្តម ឧត្តមសេនីយ៍ត្រី សោម ស៊ុន ប្រធានសមាគមអតីតយុទ្ធជន បានដឹកនាំ សហការី ចុះសួរសុខទុក្ខស្រ្តីឈ្មោះ ស្រីពត ត្រប់ អាយុ៦២ ឆ្នំា ហើយកំពុងមានជម្ងឺប្រចាំកាយដែលជាគ្រួសារអតីតយុទ្ធជនពលី ឈ្មោះ អ៊ុក អាន កាលពីថ្ងៃអាទិត្យ ទី៣ ខែធ្នូ ឆ្នាំ ២០១៧ ។
អតីតយុទ្ធជនពលី ឈ្មោះ អ៊ុក អាន អាយុ ៦៥ឆ្នំា បានពលីសមរភូមិ នៅអង្គភាពកងពលលេខ ២ ចាស់ ហើយបានទទួលមរណភាពនៅឆ្នាំ ២០០០ នឹងបានបន្សល់កូនចំនួន៤នាក់នៅក្នុងបន្ទុកភរិយា កូនគាត់២នាក់ ទៅធ្វើកម្មករនៅភ្នំពេញ រីឯកូនៗគាត់ចំនួន២នាក់ទៀត ដើរស៊ីឈ្នួលជីកអណ្តូងដោយដៃឲ្យគេ នៅពេលដែលអ្នកភូមិត្រូវការ បច្ចុប្បន្នរស់នៅភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានផ្សារភ្ជាប់មនោសញ្ចេតនា និងសុខទុក្ខ ជាមួយអតីតយុទ្ធ នៅគ្រប់ស្រុក ក្រុង នៅទូទាំងខេត្តកំពង់ធំ ទីណាមានអតីតយុទ្ធជន និងប្រជាពលរដ្ឋ មានជីវភាពលំបាកខ្វះខាត ទីនោះមាន សមាគមអតីតយុទ្ធជន ចុះទៅឲ្យដល់ខ្នងផ្ទះរបស់ក្រុមគ្រួសារនិមួយៗ ដើម្បីស្វែងយល់ពីសុខទុក្ខ និងដោះស្រាយការលំបាក ខ្វះខាត ជូនគាត់ មិនថាឆ្ងាយជិត ផ្លូវលំបាក ឬភ្លៀងផ្គរអ្វីឡើយ ។
ក្នុងឱកាសចុះសួរសុខទុក្ខគ្រួសារអតីតយុទ្ធជនពលី ឯកឧត្តម សោម ស៊ុន ប្រធានសមាគមអតីយុទ្ឋជនកម្ពុជាខេត្ត ខ្ញុំពាំនាំនូវអំណោយរបស់ឯកឧត្តម នាយឧត្តសេនីយគន់ គីម អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិមិន្ទ និងជាអគ្គលេខាធិការសមាគមអតីតយុទ្ធជនកម្ពុជា ជូនគាត់នូវអង្ករចំនួន៥០ គីឡូក្រាម មីយើងមួយកេស ទឹកត្រីទឹកស៊ីអ៊ីវ មួយយួរ អាវរងាចំនួន១ និងថវិកាចំនួន ១០០,០០០ រៀលផងដែរ ។ដោយ ប៊ុន រដ្ឋា
